Псалом

29 Сбӕрзонд кӕнут Йегъовӕйы, тыхджынты фырттӕ,

Сбӕрзонд кӕнут Йегъовӕйӕн йӕ кад ӕмӕ йӕ хъару+.

 2 Сбӕрзонд кӕнут Йегъовӕйӕн йӕ номы кад+.

Бакувут Йегъовӕйӕн рӕсугъд ӕмӕ сыгъдӕг дарӕсы+.

 3 Йегъовӕйы хъӕлӕс нӕры дӕтты сӕрмӕ+,

Кадджын Хуыцау+ ныггыбар-гыбур кодта+.

Йегъовӕ лӕууы бирӕ дӕтты сӕрмӕ+.

 4 Йегъовӕйы хъӕлӕс у тыхджын+.

Йегъовӕйы хъӕлӕс у диссаг+.

 5 Йегъовӕйы хъӕлӕс афӕлдахы кедртӕ,

О, Йегъовӕ ныссӕтты Ливаны кедртӕ+.

 6 Родау сӕ сгӕппытӕ кӕнын кӕны+,

Ливан ӕмӕ Сирион+ – хъӕддаг галты родтау.

 7 Йегъовӕйы хъӕлӕс цӕвы судзгӕ цӕхӕртӕй+.

 8 Йегъовӕйы хъӕлӕс тухиты хай бакӕны ӕдзӕрӕг быдыр+,

Йегъовӕ тухиты хай бакӕны Кадесы+ ӕдзӕрӕг быдыр.

 9 Йегъовӕйы хъӕлӕсӕй заинаг сагтӕн сӕ тухитӕ райдайынц+,

Хъӕдтӕ алӕгуын вӕййынц+.

Ӕмӕ йӕ кувӕндоны алчидӕр дзуры: «Кад Хуыцауӕн!»+

10 Йегъовӕ бады доны гуылфӕнты сӕрмӕ+,

Йегъовӕ паддзахы бадӕныл бады ӕнустӕм+.

11 Йегъовӕ йӕ адӕмӕн ратдзӕн хъару+.

Йегъовӕ раарфӕ кӕндзӕн йӕ адӕмӕн ӕмӕ сын ратдзӕн фарн*+.