1 Азфыстыты
12 Давидӕн Кисы фырт Саулы+ тыххӕй сӕрибарӕй ацӕуӕн куы никӕдӕм уыд, уӕд ӕм мӕнӕ адон Секелагмӕ+ ӕрцыдысты. Уыдон уыдысты, тохы йын чи ӕххуыс кодта, уыцы тыхджын хӕстонтӕй+. 2 Уыди сӕм ӕрдынтӕ. Дур ӕхсынмӕ+, стӕй фат+ ӕхсынмӕ дӕр рахиз къухӕй куыд арӕхстысты, афтӕ арӕхстысты галиу+ къухӕй дӕр. Уыдысты Саулы ӕфсымӕртӕ, Вениамины мыггагӕй. 3 Уыдон уыдысты: сӕ разамонӕг Ахиезер ӕмӕ Иоас, гивӕйаг+ Шемайы фырттӕ; Йезиел ӕмӕ Пелет, Азмавефы+ фырттӕ; Берахӕ, анафофаг+ Ииуй, 4 гаваойнаг+ Ишмайӕ, уый уыди тыхджын хӕстон, ӕртын+ разамонӕгӕй сӕ иу ӕмӕ уыд сӕ сӕргъы ӕвӕрд; Йереми, Иахазиил, Иоханан, гедерӕйаг+ Иозавад, 5 Елузай, Йеримоф, Веали, Шемари, харифаг Сафати, 6 Елхъан, Ишши, Азариил, Иоезер, Иашовам, Корейы+ байзӕддӕгтӕ; 7 Иоел ӕмӕ Зевади, гедораг Йерохамы фырттӕ.
8 Давид ӕдзӕрӕг быдыры+, зын бацӕуӕн кӕдӕм уыд, ахӕм бынӕтты куы уыд, уӕд ма Гады мыггагӕй дӕр чидӕртӕ йӕ фарс слӕууыдысты. Уыдон уыдысты хъӕбатыр ӕмӕ тыхджын лӕгтӕ, гӕрзифтонг хӕстонтӕ, стыр уарт ӕмӕ арц ӕдзухдӕр дардтой цӕттӕйӕ+, бакӕс сӕм, уӕд – домбӕйттӕ+, уыдысты хӕххон сагау цӕрдӕг+. 9 Разамонӕг сын уыд Езер, дыккаг уыд Овади, ӕртыккаг – Елиав, 10 цыппӕрӕм – Мишманнӕ, фӕндзӕм – Йереми, 11 ӕхсӕзӕм – Аттай, ӕвдӕм – Елиил, 12 ӕстӕм – Иоханан, фарӕстӕм – Елзавад, 13 дӕсӕм – Йереми, иуӕндӕсӕм – Махбанай. 14 Адон уыдысты Гады+ фырттӕй ӕмӕ уыдысты ӕфсады сӕргълӕуджытӕ. Лӕмӕгъдӕр сӕ чи уыд, уый дӕр-иу сӕдӕйы ныхмӕ ӕрлӕууыд, се ’ппӕтӕй тыхджындӕр чи уыд, уый та – мины ныхмӕ+. 15 Уыдон фыццаг мӕйы, Иорданы+ цӕугӕдон йӕ былтӕй куы калд+, уӕд йӕ сӕрты ахызтысты ӕмӕ быдырты цӕрджыты скӕсӕнырдӕм ӕмӕ ныгуылӕнырдӕм фӕсырдтой.
16 Давидмӕ, зын бацӕуӕн+ кӕдӕм уыд, уырдӕм Вениамины ӕмӕ Иудӕйы фырттӕй дӕр чидӕртӕ ӕрцыд. 17 Давид сӕ размӕ рацыд ӕмӕ сын загъта: «Кӕд фарнимӕ+ ӕрбацыдыстут, кӕд мӕм уый тыххӕй ӕрбацыдыстут, цӕмӕй мын баххуыс кӕнат, уӕд мӕ зӕрдӕ уыдзӕн уемӕ+. Фӕлӕ кӕд уый тыххӕй ӕрбацыдыстут, цӕмӕй мӕ ме знӕгты къухмӕ раттат, ӕз уын ӕвзӕрӕй ницы ракодтон+, афтӕмӕй, уӕд уый нӕ фыдӕлты Хуыцау+ фенӕд ӕмӕ уын тӕрхонгӕнӕг уӕд»+. 18 Уӕд Амасайыл, ӕртыны сӕргъы чи уыд, ууыл, Хуыцауы тых*+ ӕрцыд ӕмӕ загъта:
«Мах дӕу стӕм, Давид, ӕмӕ демӕ уыдзыстӕм+, Йессейы фырт.
Фарнӕй хайджын у, фарнӕй! Ӕмӕ дӕуӕн чи ӕххуыс кӕны, уый дӕр фарнӕй хайджын уӕд,
Уымӕн ӕмӕ дын дӕ Хуыцау у ӕххуысгӕнӕг»+.
Ӕмӕ сӕ Давид дӕр йемӕ ныууагъта ӕмӕ сӕ ӕфсады къордтӕн разамонджытӕй сӕвӕрдта+.
19 Манассийы мыггагӕй дӕр чидӕртӕ слӕууыд Давиды фарс. Уый уыд, филистимӕгтимӕ+ Саулы ныхмӕ схӕцынмӕ куы рацыд, уӕд. Фӕлӕ сын Давид нӕ баххуыс кодта, уымӕн ӕмӕ филистимӕгты цӕдисон паддзӕхтӕ+ кӕрӕдзиимӕ бауынаффӕ кодтой ӕмӕ йӕ арвыстой. Афтӕ загътой: «Йӕ хицау Саулы фарс куы слӕууа, уӕд бабын стӕм»+. 20 Секелагмӕ+ куы ’рцыд, уӕд Манассийы мыггагӕй йӕ фарс слӕууыдысты Аднах, Иозавад, Йедиаил, Михаил, Иозавад, Елиуй ӕмӕ Цилфай – Манассийы мыггаджы минты сӕргъы+ чи лӕууыд, уыдон. 21 Уыдон Давидӕн ӕххуыс кодтой абырджытимӕ хӕцынӕн+, уымӕн ӕмӕ се ’ппӕт дӕр тыхджын+ ӕмӕ хъӕбатыр лӕгтӕ уыдысты, ӕмӕ уыдысты йе ’фсады хистӕртӕ. 22 Алы бон дӕр адӕм Давидмӕ ӕххуысмӕ цыдысты+, ӕмӕ йе ’фсад Хуыцауы ӕфсадау+ сбирӕ ис+.
23 Адон сты, Давидмӕ Хевронмӕ+ гӕрзифтонгӕй чи ’рцыд, уыдон. Ӕрцыдысты йӕм, цӕмӕй йын Саулы паддзахад+ йӕ къухмӕ радтаиккой, Йегъовӕ куыддӕриддӕр загъта, афтӕ+. 24 Иудӕйы фырттӕй йӕм ӕрцыд ӕхсӕз мин астсӕдӕ гӕрзифтонг хӕстоны, стыр уарт ӕмӕ арц чи хаста, ахӕмтӕ. 25 Симеоны фырттӕй йӕм ӕрцыд авд мин сӕдӕ адӕймаджы, тыхджын ӕмӕ хъӕбатыр хӕстонтӕ.
26 Левитты фырттӕй йӕм ӕрцыд цыппар мин ӕхсӕзсӕдӕ адӕймаджы. 27 Иодай уыд Аароны+ фыртты разамонӕг+, ӕмӕ йемӕ уыд ӕртӕ мин авдсӕдӕ адӕймаджы. 28 Семӕ уыди Садок+ дӕр, тыхджын ӕмӕ хъӕбатыр лӕппу, ӕмӕ йемӕ – йӕ хӕдзарвӕндаг. Уыцы хӕдзарвӕндаджы уыд дыууын дыууӕ хистӕры.
29 Вениамины+ фырттӕй, Саулы+ ӕфсымӕртӕй йӕм ӕрцыд ӕртӕ мин адӕймаджы. Вениамины фырттӕй бирӕтӕ уӕды онг дӕр Саулы хӕдзарыл ӕнувыд уыдысты. 30 Ефремы фырттӕй йӕм ӕрцыд дыууын мин астсӕдӕ хӕстоны, тыхджын+ ӕмӕ хъӕбатыр адӕймӕгтӕ, сӕ хӕдзарвӕндӕгты ’хсӕн стыр кад кӕмӕн уыд, ахӕм лӕгтӕ.
31 Манассийы+ мыггаджы ӕмбисӕй йӕм ӕрцыд ӕстдӕс мин хӕстоны. Се ’ппӕты дӕр ранымадтой номгай, цӕмӕй ӕрцыдаиккой ӕмӕ Давиды паддзахӕй сӕвӕрдтаиккой. 32 Иссахары+ фырттӕй йӕм ӕрцыд дыууӕсӕдӕ хистӕры, цы рӕстӕджы цардысты ӕмӕ Израилы адӕмы цы кӕнын хъуыд+, уый чи ӕмбӕрста+, ахӕмтӕ. Се ’фсымӕртӕ сын иууылдӕр сӕ ныхасмӕ хъуыстой. 33 Завулоны+ мыггагӕй йӕм ӕрцыд фӕндзай мин адӕймаджы, хӕцынхъом чи уыд ӕмӕ-иу тохы быдыры гӕрзифтонгӕй чи ӕрлӕууыд, ахӕмтӕ. Се ’ппӕт дӕр Давидмӕ ӕмбырд кодтой, цӕмӕй равдыстаиккой, иузӕрдион ыл кӕй сты*, уый. 34 Неффалимы+ мыггагӕй йӕм ӕрцыд иу мин сӕргълӕууӕджы, ӕмӕ семӕ ӕртын авд мин адӕймаджы, стыр уарт ӕмӕ арц чи хаста, ахӕмтӕ. 35 Даны мыггагӕй йӕм ӕрцыд дыууын аст мин ӕхсӕзсӕдӕ адӕймаджы, тохы быдыры-иу гӕрзифтонгӕй чи ӕрлӕууыд, ахӕмтӕ. 36 Асиры+ мыггагӕй – цыппор мин адӕймаджы, хӕцынхъом чи уыд ӕмӕ-иу тохы быдыры гӕрзифтонгӕй чи ӕрлӕууыд, ахӕмтӕ.
37 Иорданы+ фаллаг фарсӕй, Рувимы мыггагӕй, Гады мыггагӕй ӕмӕ Манассийы мыггаджы ӕмбисӕй та – сӕдӕ дыууын мин гӕрзифтонг хӕстоны. 38 Се ’ппӕт дӕр уыдысты хӕстон лӕгтӕ, тохы быдыры-иу иумӕ ӕрлӕууыдысты. Уыдонӕн сӕ зӕрдӕ ӕнӕхъӕнӕй+ дӕр уыд Давидимӕ, ӕмӕ Хевронмӕ ӕрцыдысты, цӕмӕй йӕ ӕгас Израилӕн паддзахӕй сӕвӕрдтаиккой. Ӕмӕ иннӕ израилӕгты дӕр се ’ппӕты дӕр фӕндыд Давиды паддзахӕй сӕвӕрын+. 39 Давидимӕ фесты ӕртӕ боны, хордтой ӕмӕ нызтой+, уымӕн ӕмӕ сын се ’фсымӕртӕ алцыдӕр ӕрцӕттӕ кодтой. 40 Сӕ фарсмӕ чи цард, уыдон, стӕй ма Иссахары+, Завулоны+ ӕмӕ Неффалимы+ зӕххытыл чи цард, уыдон дӕр сын хӕрджытыл+, теуатыл ӕмӕ хӕргӕфстыл хойраг хастой. Хастой сын тынг бирӕ ссад+, хус легъуитӕй+ тъӕпӕн гуылтӕ, чисмис+ гуылтӕ, сӕн+, сой+, стуртӕ+ ӕмӕ фыстӕ+, уымӕн ӕмӕ Израилы адӕм цин кодтой+.