Амонӕгӕн. Хъисфӕндыртыл, ныллӕг зӕлтӕй+. Давиды зарӕг.
6 О Йегъовӕ, мӕстыйӕ мын ма уайдзӕф кӕн+,
Ӕмӕ мын зонд мӕстӕй судзгӕйӕ ма амон+.
2 Батӕригъӕд мын кӕн, о Йегъовӕ, уымӕн ӕмӕ мӕ хъару баихсыд+.
Сдзӕбӕх мӕ кӕн+, о Йегъовӕ, уымӕн ӕмӕ ме стджытӕ ризынц.
3 Мӕ уд дӕр тынг катай кӕны+.
О Йегъовӕ, кӕдмӕ ма ӕнхъӕлмӕ кӕсдзынӕ?+
4 Ӕрцу+, о Йегъовӕ, фервӕзын мӕ кӕн+.
Фервӕзын мӕ кӕн де ’нувыд уарзты номыл+.
5 Уымӕн ӕмӕ мӕрдтӕ дӕ кой нӕ ракӕндзысты+.
Ингӕны дӕ чи скадджын кӕндзӕн?+
6 Мӕ уды хъӕрзынӕй мӕ бон нал у+,
Ӕнӕхъӕн ӕхсӕв мӕ сынтӕг мӕ цӕссыгӕй ӕхсын+,
Мӕ цӕссыгӕй мӕ хуыссӕн ныххуылыдз вӕййы+.
7 Мастӕй бакуырм дӕн+,
Мӕ цӕстырухс батад+ ме знӕгты тыххӕй.
8 Иуварс ацӕут, фыдгӕнджытӕ+ иууылдӕр,–
Йегъовӕ мын фехъусдзӕн мӕ кӕуын+.
9 Йегъовӕ мын фехъусдзӕн мӕ лӕгъстӕ+,
Йегъовӕ мын айсдзӕн мӕ куывд+.
10 Ме знӕгтӕ иууылдӕр ныххудинаг уыдзысты+ ӕмӕ катайы бацӕудзысты.
Лидзӕг фӕуыдзысты ӕмӕ ӕвиппайды фӕхудинаг уыдзысты+.