Разныхас

Бинонтӕ амондджын цӕй фӕрцы уыдзысты? 12 уынаффӕйы

Мах арӕх фехъусӕм, бинонтӕн сӕ цард цӕй аххосӕй фехӕлы, уый тыххӕй. Фӕлӕ цымӕ бинонтӕ амондджын цӕй фӕрцы вӕййынц?

• 1990 азӕй 2015 азмӕ АИШ-ы, 50 азӕй фылдӕр кӕуыл цӕуы ӕмӕ йӕ цардӕмбалӕй чи ахицӕн, уыдоны нымӕц фӕфылдӕр дыууӕ хатты, 65 азӕй фылдӕр кӕуыл цӕуы, уыдонӕй йӕ цардӕмбалӕй чи ахицӕн, уыдоны нымӕц та – ӕртӕ хатты.

• Ныййарджытӕ сӕ сывӕллӕтты куыд хъомыл кӕной, уый нал зонынц: эксперттӕй иуӕй-иутӕ зӕгъынц, сывӕллӕттӕй ӕдзух ӕппӕлын кӕй хъӕуы, иннӕтӕ та зӕгъынц, семӕ цас тызмӕгдӕр уай, уыйас хуыздӕр, зӕгъгӕ.

• Сывӕллӕттӕй бирӕтӕ куы сыстыр вӕййынц, уӕд цардмӕ цӕттӕ нӕ вӕййынц.

Фӕлӕ уӕддӕр:

• Уый гӕнӕн ис, цӕмӕй лӕг ӕмӕ ус амондджын уой ӕмӕ цӕрӕнбонты кӕрӕдзийыл ӕнувыд уой.

• Ныййарджытӕн сӕ бон у, ӕмӕ сахуыр уой сӕ сывӕллӕттӕн зонд амонын ӕмӕ сӕ кӕй уарзынц, уый ӕргом ӕвдисын.

• Ӕрыгӕттӕн сӕ бон у, царды сӕ чи бахъӕудзӕн, уыцы миниуджытӕ сӕ удыхъӕды фидар кӕнын.

Куыд? Ацы номыры ссардзыстут 12 уынаффӕйы. Уыдон уын баххуыс кӕндзысты, цӕмӕй уӕ бинонтӕ амондджын уой.