Йегъовӕйыл иузӕрдион кӕй дӕ, уый дӕ бон куыд у равдисын?

Хуыцауы фарс ӕрлӕуу (1 Петры 5:6–9).

Библийы ныхмӕ цы ӕгъдӕуттӕ сты, уыдонӕй дӕхи хиз. Уый тыххӕй дӕ хъӕуы хъӕбатырдзинад.

Политикӕйӕ дард лӕуу. Политикӕйы чи архайы, уыдон сты Йегъовӕ ӕмӕ йӕ Паддзахады ныхмӕ.

Раст уынаффӕ рахӕсс – Хуыцаумӕ хъус (Матфейы 7:24, 25).

Йегъовӕйы Ӕвдисӕнтыл дӕхи бӕтт. Уыдон дын баххуыс кӕндзысты, цӕмӕй Хуыцаумӕ баввахс уай.

Дарддӕр архай, цӕмӕй Хуыцауы хуыздӕр базонай ӕмӕ йын йӕ фӕдзӕхстытӕ ӕххӕст кӕнай.

Дӕ уырнындзинад куы сфидар уа, уӕд хъуамӕ дӕхи Йегъовӕйӕн снывонд кӕнай ӕмӕ донаргъуыд райсай (Матфейы 28:19).

Хуыцаумӕ хъус. Библи кӕс. Йегъовӕйы Ӕвдисӕнтӕн зӕгъ, цӕмӕй дын баххуыс кӕной Библи бамбарынӕн. Цы базоныс, уымӕй-иу царды пайда кӕн. Афтӕ куы кӕнай, уӕд ӕнустӕм цӕрдзынӕ (Псалом 37:29).