Иегъовӕйыл иузӕрдионӕй баззайын
ИУЗӔРДИОН адӕм кӕд абон бирӕ нал ис, уӕддӕр иузӕрдиондзинад у ӕцӕг Хуыцау Иегъовӕйы лӕггадгӕнджыты миниуӕг. Иузӕрдион адӕймаг алкӕддӕр фӕлварӕнты вӕййы фидар ӕмӕ ӕнӕфӕцудгӕ. Ӕркӕсӕм хорз паддзах Езекийы цӕвиттонмӕ. Библи дзуры: «Иудейы паддзӕхтӕй уый хуызӕн, йӕ фӕстӕ дӕр ӕмӕ йӕ размӕ дӕр, иу дӕр нӕ уыд». Езеки ахӕм цӕмӕ уыд? Уый «баныхӕст Иегъовӕйыл», кӕд йӕ алыварс адӕм куывтой мӕнг хуыцау Молохӕн, уӕддӕр. О, Езеки «[Иегъовӕйӕ] нӕ аздӕхт, фӕлӕ йын йӕ фӕдзӕхстытӕ дарддӕр дӕр ӕххӕст кодта» (4 Паддзахӕдты 18:1—6, НД).
Апостол Павел дӕр уыд, Иегъовӕйыл иузӕрдионӕй чи баззад, уыдонӕй сӕ иу. Чырыстон Грекъаг Фыстыты йӕ лӕггаддзинады тыххӕй цы ис фыст, уымӕй бӕрӕг у, Павел алкӕддӕр Хуыцауӕн ӕппӕт зӕрдӕйӕ кӕй лӕггад кодта, уый. Йӕ зӕххон царды кӕрон Павелӕн йӕхи тыххӕй йӕ бон уыд зӕгъын: «Хорз скуыхтдзинадӕй ӕз архайдтон, царды цыд сӕххӕст кодтон, уырнындзинад бахъахъхъӕдтон» (2 Тимофеймӕ 4:7).
Езеки ӕмӕ нын Павел ӕвдисынц иузӕрдиондзинады диссаджы цӕвиттон! Уӕдӕ сын мах дӕр сӕ уырнындзинад фӕзмӕм ӕмӕ не Стыр Хуыцау Иегъовӕйыл иузӕрдион уӕм (Дзуттытӕм 13:7).