«Иудзинады дӕнцӕг»

АХӔМ статья мыхуыр ӕрцыд иу газеты горӕт Идаятубайы (Сан-Паулу, Бразили). Чи сты, ахӕм дӕнцӕг чи равдыста, уыдон? «Ӕнӕфӕхатгӕ нӕй, ахӕм ӕмгуыстдзинады диссаджы дӕнцӕг кӕй сты Иегъовӕйы Ӕвдисӕнтӕ, ног „Паддзахады зал (афтӕ хонынц, сӕхӕдӕг сӕ кувӕндӕттӕ кӕнӕ лекцитӕ кӕм кӕсынц, ахӕм бынӕттӕ) аразынвӕнд чи кӕны, уыдон»,— банысан кодта уацхӕссӕг.

Иегъовӕйы Ӕвдисӕнты ’хсӕн цы диссаджы иудзинад ис, уый рабӕрӕг вӕййы ахӕм хъуыддӕгты. Статьяйы дзырдӕуы: «Бархи кусджытӕ — нӕлгоймӕгтӕ ӕмӕ сылгоймӕгтӕ, ӕрыгон лӕппутӕ ӕмӕ чызджытӕ — Хуыцауӕн кӕм кувой ӕмӕ кӕрӕдзиимӕ кӕм ӕмбӕлой, ахӕм бынат иумӕ зӕрдӕбынӕй ӕмӕ хъӕлдзӕгӕй куыд аразынц, уымӕ кӕсынӕй адӕймаг не ’фсӕды».

Фӕлӕ Иегъовӕйы Ӕвдисӕнтӕ ӕрмӕст уыцы хъуыддаджы не сты фӕзминаг. «Библи ахуыр кӕнын ӕмӕ кувынӕй дарддӕр ма сӕ нысан у, нозт ӕмӕ наркотикты ахӕсты чи бахауд, уыдонӕн баххуыс кӕнын, стӕй ма адӕмӕн иудзинад ӕмӕ уарзондзинадмӕ фӕндаг амонын»,— дзырдӕуы газеты фыццаг фарсыл. Куыд ӕфты уый сӕ къухы? Ӕвдисӕнтӕ зонынц, адӕймаг Библийы уынаффӕтӕй куы пайда кӕна, уӕд йӕ ӕвзӕр хъуыддӕгтӕ кӕй ныууадздзӕн, уый. Афтӕ зӕрдиагӕй дӕр уый тыххӕй архайынц, Библийӕ сӕхӕдӕг цы базонынц, уый иннӕтӕн дӕр амоныныл. Статья фӕуд кӕны ахӕм ныхӕстӕй, зӕгъгӕ, Иегъовӕйы Ӕвдисӕнтӕ сты, «иннӕтӕ дӕр ӕнӕмӕнг ӕвӕстиатӕй кӕй хъуамӕ бафӕзмой, ахӕм дӕнцӕг».

Иегъовӕйы Ӕвдисӕнты фембӕлдтӕм бацӕуыны бар ис алкӕмӕндӕр, ӕрбацӕуджытӕй ӕхца нӕ ӕмбырд кӕнынц. Дӕу дӕр зӕрдиагӕй хонынц, иууыл хӕстӕгдӕр дӕм цы Паддзахады зал ис, уырдӕм.