Иофам Хуыцауыл иузӕрдионӕй баззад, кӕд ын зын уыди, уӕддӕр

НЫЙЙАРДЖЫТӔЙ исчи ӕцӕг Хуыцау Йегъовӕйӕн куы нал фӕлӕггад кӕны, уӕд сывӕллӕттӕн тынг зын вӕййы. Ӕркӕсӕм-ма Иофамы хабармӕ. Мах базондзыстӕм, Иофам гыццыл куы уыд, уӕд сӕ бинонтыл цы бӕллӕхтӕ ӕрцыд, уый.

Иофамы фыд Ози уыд Иудӕйы паддзах. Озийӕ хъомысджындӕр адӕймаг йӕ бӕстӕйы нӕ уыд. Иофамы райгуырды размӕ дӕр Ози бирӕ азты дӕргъы уыд хорз паддзах. Фӕлӕ фӕстӕдӕр, Иофам ма гыццыл куы уыд, уӕд, Ози ссӕрбӕрзонд ис ӕмӕ Хуыцауы закъоны сӕрты ахызт. Уый тыххӕй йыл Хуыцау бафтыдта ӕвзӕр низ, хъотыр. Зоныс, Иофам куыд бакодта?~a

Иофам дарддӕр дӕр Йегъовӕйӕн лӕггад кодта. Кӕй зӕгъын ӕй хъӕуы, уыцы хъуыддаджы йын йӕ мад Йерушӕ стыр ӕххуыс уыди. Фӕлӕ Озийӕн Йегъовӕйы хӕдзармӕ цӕуыны бар куы нал уыд, уӕд, Иофамӕн Йегъовӕйӕн иузӕрдионӕй лӕггад кӕнын, ӕвӕццӕгӕн, тынг зын уыд.

Зӕгъӕм, дӕ фыд кӕнӕ дӕ мад Йегъовӕйӕн нал лӕггад кӕны, уӕд куыд кӕнис? Тынг зын дын нӕ уаид?~ Ахӕм уавӕры бахаугӕйӕ куыд бакӕнис, ууыл ахъуыды кӕнын ӕвзӕр нӕу. Уый бӕрӕг у, Давид Библийы цы ныффыста, уымӕй.

Давиды фыд Йессей хорз адӕймаг уыд. Уый лӕггад кодта Йегъовӕйӕн, ӕмӕ йӕ Давид, кӕй зӕгъын ӕй хъӕуы, тынг уарзта. Фӕлӕ Йегъовӕйы та ноджы тынгдӕр уарзта. Кӕцӕй йӕ зонӕм?

Байгом-ма кӕн Псалом 27:10 стих. Давид уым ныффыста: «Мӕ фыд ӕмӕ мӕ мӕ мад куы ныууагътаиккой, уӕддӕр мӕ Йегъовӕ райстаид». Ахъуыды-ма кӕн, Библи зӕгъы, зӕгъгӕ, Давидӕн йӕ фыд Йессей кӕнӕ йӕ мад Йегъовӕйӕн куы нал лӕггад кодтаид, уӕддӕр ыл Давид иузӕрдионӕй кӕй баззадаид.

Ды та куыд бакӕнис? Йегъовӕйӕн лӕггад кӕндзынӕ, дӕ фыд кӕнӕ йын дӕ мад куы нал лӕггад кӕной, уӕд дӕр?~ Ацы фарстайыл тынг лӕмбынӕг хъӕуы ахъуыды кӕнын, уымӕн ӕмӕ баст у, Библийы фӕдзӕхстытӕй се ’ппӕты ахсджиагдӕрыл. Уыцы фӕдзӕхст у: «Дӕ Хуыцау Йегъовӕйы уарз ӕппӕт зӕрдӕйӕ, ӕппӕт удӕй ӕмӕ ӕппӕт зондӕй».

Ацы фӕдзӕхст ууыл дзурӕг у, ӕмӕ Йегъовӕйыл иузӕрдион хъуамӕ уӕм, цыфӕнды зын нын куы уа, уӕддӕр. Куыд хъуыды кӕныс, кӕй фӕнды, цӕмӕй Йегъовӕйӕн мауал лӕггад кӕнӕм?~ Хуыцауы знаг Сайтан Хӕйрӕджы. Йесо Сайтаны схуыдта «ацы дунейы хицау». Библи ма йӕ хоны «ацы цардӕвӕрды хуыцау» дӕр. Цымӕ нӕ Сайтанӕй тӕрсын хъӕуы?~

Нӕ хъӕуы. Хъуамӕ нӕ зӕрдыл дарӕм, Йегъовӕ Сайтанӕй тыхджындӕр кӕй у. Йегъовӕ нӕ хъахъхъӕндзӕн, куы йыл ӕууӕндӕм, уӕд. Дӕ Библийы-ма бакӕс, Йегъовӕ Давиды филистимаг богал Голиафӕй куыд фервӕзын кодта, уый тыххӕй. Йегъовӕ дӕуӕн дӕр ӕххуыс кӕндзӕн, иузӕрдион ыл куы уай, уӕд.