Бинонты цард фидаргӕнӕг библион принциптӕ

1. Хуыцауы Ныхас ӕдзухдӕр иумӕ ахуыр кӕнут ӕмӕ зындзинӕдтӕ аиуварс кӕныны тыххӕй Хуыцаумӕ кувут (2 Тим. 3:16, 17; Фӕс. н. 3:5, 6; Фил. 4:6, 7).

2. Хистӕриуӕгады принципӕн аргъ кӕнут. Уый нысан кӕны, лӕгыл стыр бӕрн кӕй ис, уый (1 Кор. 11:3; Еф. 5:25—33; Кол. 3:19). Ус дӕр хъуамӕ зӕрдиагӕй архайа уыцы принципмӕ гӕсгӕ цӕрыныл (1 Пет. 3:1—6; Еф. 5:22—24, 33; Кол. 3:18).

3. Лӕг (ус) хъуамӕ кӕса ӕрмӕстдӕр йӕхи усмӕ (лӕгмӕ) (Фӕс. н. 5:15—21; Дзут. 13:4). Уарзондзинад ӕвдисгӕйӕ дӕ цардӕмбалы домӕнтыл куы тыхсай, уӕд ӕй уый бахиздзӕн тӕригъӕд саразынӕй (1 Кор. 7:2—5).

4. Кӕрӕдзиимӕ фӕлмӕнӕй, уӕзданӕй ныхас кӕнут; уӕхи хизут мӕстыгӕрдзинадӕй, хыл къахынӕй ӕмӕ карз ӕфхӕрӕн ныхӕстӕй (Еф. 4:31, 32; Фӕс. н. 15:1; 20:3; 21:9; 31:26, 28).

5. Уӕ хӕдзармӕ хорз кӕсут, бинонтӕ цы дардзысты, ууыл хъуыды кӕнут, уыимӕ хӕрзад хӕринаг кӕнут (Тит. 2:4, 5; Фӕс. н. 31:10—31).

6. Дӕ къай, цы хӕстӕ йыл ис, уыдон иууылдӕр ӕххӕст кӕна ӕви нӕ, уӕддӕр сӕрныллӕгӕй Библийы уынаффӕмӕ хъус (1 Пет. 3:1, 2; Ром. 14:12).

7. Чырыстон адӕймаджы миниуджытыл куыд кусут, уымӕ уӕ хъус дарут (1 Пет. 3:3—6; Кол. 3:12—14; Гал. 5:22, 23).

8. Сывӕллӕттӕ уын кӕд ис, уӕд сӕм уарзондзинад ӕвдисут, ахуыр сӕ кӕнут ӕмӕ сӕ бафхӕрын куы хъӕуа, уӕд уый дӕр ма рох кӕнут (Тит. 2:4; Еф. 6:4; Фӕс. н. 13:24; 29:15).