Монон хӕринагыл ахуыр дӕ?
1 Ахӕм ӕмбисонд ис: «Афтид голлаг хъен нӕ лӕууы». Раст у, нӕ тых ӕмӕ нӕ ӕнӕниздзинад баст сты, цы хӕрӕм ӕмӕ куыд хӕрӕм, ууыл. Йесойы ныхӕстӕ, зӕгъгӕ, «ӕрмӕст дзулӕй нӕ цӕрдзӕн адӕймаг, фӕлӕ Хуыцауы дзыхӕй цӕуӕг алы дзырдӕй», ууыл дзурӕг сты, ӕмӕ монон хӕринагыл цас ахуыр стӕм, уый ныл кӕнӕ хорзырдӕм ӕндавдзӕн, кӕнӕ та ӕвзӕрырдӕм (Матф. 4:4). Уӕдӕ монон хӕринагыл ахуыр дӕ? Цы фӕхӕрыс, уый ӕвзаргӕ ракӕныс ӕви тагъд-тагъдӕй цыдӕртӕ ахӕрыс? Ӕхцондзинад дын хӕссы, иудадзыг пайдайаг монон хӕринаг кӕй хӕрыс, уый?
2 Цы хӕрыс, уымӕ кӕс. Иегъовӕ нын «ӕууӕнкджын ӕмӕ зондджын цагъары» уылты дӕтты «афоныл хӕринаг», саразы нын «куывд ӕмӕ дзы вӕййы дзаджджын хӕринӕгтӕ» (Матф. 24:45; Ис. 25:6). Цӕмӕй нын уыцы диссаджы мадзӕлттӕ пайда хӕссой, уый тыххӕй хъуамӕ сахуыр уӕм монон хӕринагыл.
3 Дӕхиӕ фарстытӕ радт: ӕрвылбоны стих ӕмӕ комментаритӕ алыбон дӕр кӕсын? Библи алыбон дӕр фӕкӕсын ӕмӕ йыл хъуыды кӕнын? Ӕмбырды фембӕлдты цы ӕрмӕг цӕуы ӕвзӕрст, уый рагацау бацӕттӕ кӕнын? Цы ног публикацитӕ райстам, уыдон бакастӕн, уыимӕ чиныг «Исайы пехуымпарад — рухс ӕппӕт адӕмӕн»-ы дыууӕ томы дӕр?
4 Йесо загъта: «Амондджын сты, ӕнӕ Хуыцауы разамындӕй цӕрӕн кӕй нӕй, уый чи ӕмбары, уыдон... Тӕхудиаг сты рӕстдзинадӕй ӕххормӕгтӕ ӕмӕ дойнытӕ, уымӕн ӕмӕ уыдон бафсӕддзысты» (Матф. 5:3, НД, 6). Уӕдӕ монон хӕринагӕй дӕхи цух ма уадз, Хуыцауы тыххӕй-иу цы базонай, ууыл арф хъуыдыгӕнгӕйӕ.