Сӕрныллӕгдзинад кӕм хъӕуы, ахӕм куыст
1 Хуыцауы Ныхас нын дзуры, цӕмӕй уӕм «сабырзонд, фыддзинад фыддзинадӕй ма фидӕм [...] фӕлӕ арфӕ кӕнӕм» (1 Пет. 3:8, 9). Ацы уынаффӕ, кӕй зӕгъын ӕй хъӕуы, хауы хъусын кӕныны хъуыддагмӕ дӕр. Ӕцӕгдӕр, уацамынд гӕнӕн ис суа фӕлварӕн, цас сӕрныллӕг стӕм, уымӕн.
2 Сӕрныллӕгдзинад у, зын уавӕртӕ сфӕразынӕн нын чи ӕххуыс кӕны, ахӕм миниуӕг. Хъусынгӕнгӕйӕ мах адӕммӕ бацӕуӕм ӕнӕхуынд уазджытау, ӕмӕ уымӕ гӕсгӕ зонӕм, иуӕй-иутӕ нӕм хорз цӕстӕй кӕй нӕ ракӕсдзысты. Ӕмӕ цӕмӕй ахӕм уавӕры дарддӕр дӕр хъусын кӕнӕм, уый тыххӕй нӕ хъӕуы сӕрныллӕгдзинад. Дыууӕ пионеры, хотӕ, дыууӕ азы дӕргъы алы бон дӕр хӕдзарӕй-хӕдзармӕ хъусын кодтой, дуӕрттӕ сын ӕппындӕр кӕм нӕ кодтой, ахӕм ран. Фӕлӕ сӕ къухтӕ не ’руагътой, ӕмӕ абон уыцы ран ис дыууӕ ӕмбырды.
3 Гуырымыхъхъ ныхас куы кӕной. Сӕрныллӕгдзинад нын баххуыс кӕндзӕн Йесойы фӕзмын гуырмыхъхъ кӕнӕ ӕнӕхсӕст адӕмимӕ ныхасгӕнгӕйӕ (1 Пет. 2:21—23). Иу хӕдзары нӕ хойы хъӕры бын нырма ус фӕкодта, уый фӕстӕ та лӕг. Лӕг ма йын загъта, цӕмӕй сӕ хӕдзармӕ йӕ къах дӕр мауал ӕрбавӕра. Хо ӕрмӕстдӕр бахудт ӕмӕ сын загъта, ныфс ӕй кӕй ис, ӕмӕ семӕ ӕндӕр хатт аныхас кӕндзӕн. Уый уыцы бинонтыл афтӕ бандӕвта, ӕмӕ сӕм иннӕ хатт ӕндӕр хо куы бацыд, уӕд ӕм байхъуыстой ӕмӕ Паддзахады залмӕ ацӕуыныл дӕр сразы сты. Уым фембӕлдысты, фыццаг хатт цы хойы расырдтой, уыимӕ. Хо сын салам радта ӕмӕ сын ӕцӕгады тыххӕй фылдӕр радзырдта. Махӕн дӕр нӕ бон у дурзӕрдӕ адӕмы ӕрфӕлмӕн кӕнын «фӕлмас ӕмӕ уӕздан» уагахастӕй (1 Пет. 3:15, НФ; Ӕмб. 25:15).
4 Ӕнӕрвӕссон ма уӕм. Библи кӕй зонӕм, уый нын уый бар нӕ дӕтты, ӕмӕ адӕмыл уӕлӕхох кӕнӕм кӕнӕ та сӕ ӕфхӕрӕм (Иоан. 7:49). Уый нӕ, фӕлӕ нын Хуыцауы Ныхас фӕдзӕхсы, цӕмӕй «искӕй фыдкой ма кӕнӕм» (Тит. 3:2). Йесойау бонзонгӕ куы уӕм, уӕд иннӕтӕн се уонг рогдӕр кӕндзыстӕм (Матф. 11:28, 29). Сӕрныллӕг куы уӕм, уӕд уымӕй адӕмы зӕрдӕтӕ нӕ хорз хабармӕ здахдзыстӕм.
5 О, сӕрныллӕгдзинад нын ӕххуыс кӕны, адӕм ӕвзӕр кӕм хъусынц, ахӕм ран фӕндфидарӕй хъусын кӕнынӕн. Уый фӕлмӕн кӕны дурзӕрдӕ адӕмы ӕмӕ иннӕтӕн та Хуыцауы Паддзахады хорз хабар сӕ зӕрдӕмӕ айсын кӕны. Иууыл сӕйрагдӕр та уыцы миниуӕг цӕуы Иегъовӕйы зӕрдӕмӕ, «фӕлмӕстӕн... Йӕ хорзӕх» чи дӕтты, уый зӕрдӕмӕ (1 Пет. 5:5, НФ).