Хуыцауы Ныхас хъусынгӕнджыты скъола — фӕлхатгӕнинаг
Дӕлдӕр цы фарстытӕ ис, уыдон ӕвзӕрст цӕудзысты 2003 азы 27 октябрӕй райдайгӕ къуыри Хуыцауы Ныхас хъусынгӕнджыты скъолайы. Уый уыдзӕн дзургӕ фӕлхат, 2003 азы 1 сентябрӕй райдайгӕ къуырийӕ 27 октябрӕй райдайгӕ къуыримӕ цы ӕрмӕг рацыдыстӕм, уымӕн. Уадздзӕн ӕй Скъолайы цӕстдарӕг, 30 минуты дӕргъы. [Фиппаинаг: фарсты фӕстӕ, дзуапп ын кӕм ис, уый амынд куы нӕ уа, уӕд дзуапп ссарынӕн дӕхи хъӕудзӕн ӕрмӕг бацагурын. (Кӕс «Хъусынгӕнджыты скъола»-йы, 36, 37 фф.)]
ДЗЫРДАРӔХСТДЗИНАД
1. 1 Тимофеймӕ 2:9 цы уынаффӕ ис, ома хи «аив дарӕсӕй» рӕсугъд кӕнын, уый цы нысан кӕны, ӕмӕ сценӕйӕ куы дзурӕм кӕнӕ уацамынды куы уӕм, уӕд уый, адӕм нӕм куыд хъусдзысты, ууыл куыд фӕзындзӕн? (be 132 ф., 4, 5 абз.).
2. 1 Иоанны 2:15—17, Ефесӕгтӕм 2:2 ӕмӕ Ромӕгтӕм 15:3 цы библион уагӕвӕрдтӕ ис, уыдон нын нӕ конд ӕмӕ нӕ уындыл куыд хъуамӕ ӕндавой? (be 133 ф., 2—4 абз.).
3. Хиуыл хӕцын ахсджиаг цӕмӕн у ӕмӕ цӕмӕй сценӕйӕ дзургӕйӕ кӕнӕ хъусын кӕнгӕйӕ ма тыхсӕм, уый тыххӕй нӕ цы хъӕуы? (be 135 ф., фӕлгӕт; 136 ф., 5 абз., фӕлгӕт).
4. Уацамынды Библийӕ куыд пайда кӕнын хъӕуы, уыцы хъуыддаджы нын Йесо Чырысти, «иузӕрдыг ӕмӕ ӕцӕг ӕвдисӕн», цӕмӕй у фӕзминаг? (Рарг. 3:14, НФ) (be 143 ф., 2, 3 абз.).
5. Цы хъӕуы, цӕмӕй Библийӕн «дзырды бар» дӕттынмӕ хуыздӕр арӕхсӕм? (Тит. 1:9) (be 144 ф., 1 абз., фӕлгӕт).
ФЫЦЦАГ ХӔСЛӔВӔРД
6. Ахуыр кӕнын цы нысан кӕны ӕмӕ Хуыцауы Ныхас иудадзыг ахуыр кӕнын ахъаз цӕмӕн у? (be 27 ф., 3 абз.; 32 ф., 4 абз.).
7. Ахсджиаг хъуыддаг нын куы уа лыггӕнинаг, уӕд нӕ Иаковы 1:5, 6 гӕсгӕ, ӕнӕмӕнг цы бакӕнын хъӕуы? (w01 1.9. 28 ф., 4 абз., уыр.).
8. Цы сты бындурӕн ист бонтӕ ӕмӕ сын ахӕм стыр нысаниуӕг цӕмӕн ис? (si 27 абз. [km 5/03 2 ф., 27 абз.]).
9. Цӕмӕ гӕсгӕ ис зӕгъӕн, ӕмӕ «хахуыртӕ чи парахат кӕны, уый... ӕдылы у»? (Ӕмб. 10:18, «Мах дуг» №12, 1999) (w01 15.9. 25 ф., 3 абз., уыр.).
10. Иегъовӕ рӕстӕгмӕ цы цӕстӕй кӕсы, уый адӕм ног дунейы хуыздӕр куыд бамбардзысты? (si 32 абз. [km 5/03 3 ф., 32 абз.]).
БИБЛИ ӔРВЫЛКЪУЫРИ КӔСЫН
11. Раст у ӕви нӕ: 1 Коринфӕгтӕм 2:9 апостол Павел дзуры, Иегъовӕ йӕ иузӕрдион адӕмӕн бынӕн цытӕ ӕрцӕттӕ кодта, уый тыххӕй. Бамбарын ӕй кӕн (ip-2 366 ф., фӕлгӕт, уыр.).
12. 1 Коринфӕгтӕм 10:13 цы ныхӕстӕ ис фыст, уыдон цавӕр фӕлварӕнтӕм хауынц ӕмӕ Иегъовӕ куыд «ратты ӕххуыс» (НФ)? (w91 1.10. 10, 11 фф., 11—14 абз., уыр.).
13. Йесо адӕмӕн кӕй ницы ӕвгъау кодта, уый чырыстӕттӕн цӕуыл дзурӕг у? (2 Кор. 8:9) (w92 15.1. 16 ф., 10 абз., уыр.).
14. Куыд уыдис Закъон «сывӕллон кӕнӕг [«сабигӕсау», НФ] Чырыстимӕ»? (Гал. 3:24) (w02 1.6. 23 ф., 11 абз.).
15. Цы у «дунейы ӕгъдау», нӕхи кӕмӕй хъуамӕ хизӕм, цӕмӕй раст фӕндагӕй ма адзӕгъӕл уӕм? (Кол. 2:8)