Куыд баххуыс кӕнӕм, Ӕвдисӕн чи нӕу, ахӕм ӕмкъайӕн?

¹ Иегъовӕйы лӕггадгӕнджытӕй бирӕтӕн сӕ лӕгтӕ кӕнӕ сӕ устытӕ Ӕвдисӕнтӕм хорз зӕрдӕ дарынц, ӕмбырды хъуыддӕгтӕй цымыдис кӕнынц, фӕлӕ Хуыцауы лӕггадгӕнджытӕ суой, ууыл нӕ тагъд кӕнынц. Нӕ хотӕй иуӕн йӕ лӕг ӕргом загъта: «Хӕдзарӕй-хӕдзармӕ цӕуын мӕнӕн тынг стыр цӕлхдур у». Иннӕты та чи зоны хъӕуы, Библимӕ гӕсгӕ раст чи нӕу, ахӕм хъуыддӕгтӕ ныууадзын, кӕнӕ чи зоны хъуыды кӕнынц, се ’мкъӕйттау сӕ бон кӕй не суыдзӕн Хуыцауы хъуыддӕгты архайын. Нӕ бон сын куыд у баххуыс кӕнын?

² Сыгъдӕгзӕрдӕйӕ сыл тыхсӕм. Иннӕтыл сыгъдӕгзӕрдӕйӕ куы тыхсӕм ӕмӕ цӕуыл мӕт кӕнынц, уый куы фиппайӕм, уӕд гӕнӕн ис, ӕмӕ Библийы ӕцӕгад айсой (Фил. 2:4). Раздӕр йӕ цардӕмбалы диныл чи нӕ хӕцыд, уыдон арӕх банысан кӕнынц, Ӕвдисӕнтӕ сын зӕрдиагӕй кӕй ӕххуыс кодтой, уый. «Хосе, ӕмбырды хистӕр нӕлгоймаг, мӕныл тынг тыхсти,— загъта, уӕлдӕр цы лӕджы кой кодтам, уый.— Мӕнмӕ афтӕ кӕсы, ӕмӕ мӕ тынгдӕр уый сразӕнгард кодта, цӕмӕй Библи бӕстон ахуыр кӕнын райдыдтаин». Ӕндӕр хойы лӕг та дзуры, цы ӕфсымӕртӕ-иу сӕм ӕрбацыд, уыдон-иу кӕй архайдтой, уый цы цымыдис кодта, ууыл ныхас кӕнын. «[Мӕ усы] динмӕ ӕз райдыдтон бынтон ӕндӕр цӕстӕй кӕсын,— дзуры уый.— Йӕ хӕлӕрттӕ уыдысты тынг зӕнджын адӕм, семӕ бирӕ цӕуылдӕрты уыд аныхас кӕнӕн» (1 Кор. 9:20—23).

³ Ӕххуыс кӕнӕм хъуыддагӕй. Ӕвдисӕн чи нӕу, ахӕм ӕмкъайы зӕрдӕ ма бацагайӕн ис, хӕларзӕрдӕйӕ йӕм не ’ххуысы къух куы бадарӕм, уӕд (Ӕмб. 3:27; Гал. 6:10). Нӕ хойы ӕнӕуырнӕг лӕджы машинӕ куы фехӕлд, уӕд ын баххуыс кодта иу ӕрыгон Ӕвдисӕн. «Уый мӕм ӕцӕгдӕр диссаг фӕкаст»,— дзуры уый. Ӕндӕр ӕфсымӕр та нӕ хойы ӕнӕуырнӕг лӕгӕн ӕнӕхъӕн бон ӕххуыс кодта сӕ хӕдзары алыварс ӕмбонд аразынӕн. Иумӕ кусгӕйӕ ӕмӕ ныхасгӕнгӕйӕ уыдон схӕлар сты. Дыууӕ къуырийы фӕстӕ уыцы лӕг бацыд ӕфсымӕрмӕ ӕмӕ йын загъта: «Афон у, цӕмӕй мӕ царды исты фӕивон. Мемӕ Библи ахуыр кӕндзынӕ?». Йӕ уырнындзинад тагъд бафидар ӕмӕ ныр аргъуыд Ӕвдисӕн у.

⁴ Кӕм хъусын кӕнӕм, уым аккаг адӕмы агургӕйӕ, цӕй ӕмӕ дарддӕр дӕр ӕххуыс кӕнӕм не ’мчырыстӕтты ӕмкъӕйттӕн (1 Тим. 2:1—4).