Хъусинӕгтӕ

◼ Сентябры: «Ӕнувыд Сфӕлдисӕг уӕвы?». Октябры: «Хъахъхъӕнӕн мӕсыг» ӕмӕ «Райхъал ут!». Адӕймаг куы цымыдис кӕна, уӕд ма йын ис раттӕн брошюрӕ «Цы домы» дӕр. Бацархай, цӕмӕй йемӕ Библи ахуыр кӕнын райдайай. Ноябры: «Мӕ библион радзырдты чиныг». Адӕймаг дын куы зӕгъа, зӕгъгӕ мын сывӕллӕттӕ нӕй, уӕд ын ратт брошюрӕ «Цы домы» ӕмӕ бацархай йемӕ хӕдзары Библи ахуыр кӕнын райдайын. Декабры: «Ӕппӕты номдзыддӕр адӕймаг». Раттӕн ма ис «Мӕ библион радзырдты чиныг» дӕр.

◼ Декабры хъусын кӕныны фембӕлдтӕй иуы дзырд цӕудзӕн видеофильмыл «Иу туджы ӕртах дӕр нӕ. Медицинӕ разы кӕны». Ацы фильм ӕмӕ иннӕтӕ дӕр, сӕ иумӕйаг ном — «Туг уадзыны бӕсты ног мадзӕлттӕ — документалон фильмтӕ», ныр сты DVD-йыл. Ацы дискыл фыст сты ахӕм фильмтӕ: «Туг уадзыны бӕсты ног мадзӕлттӕ — хуымӕтӕг, ӕдас, ахъаз», «Медицинӕ ӕнӕ тугӕй. Куыд ис рынчынӕн баххуыс кӕнӕн, йӕ бартӕ хынцгӕйӕ», «Иу туджы ӕртах дӕр нӕ. Медицинӕ разы кӕны». Ацы фильмтӕ DVD-йыл сты ахӕм ӕвзӕгтыл: англисаг, испайнаг, италийаг, немыцаг, португайлаг, уырыссаг, французаг ӕмӕ япойнаг. Видеокассетӕ «Иу туджы ӕртах дӕр нӕ. Медицинӕ разы кӕны» рацыд ахӕм ӕвзӕгтыл: англисаг, болгайраг, грекъаг, испайнаг, италиаг, китайаг (кантойаг диалект), корейаг, нидерландаг, польшӕйаг, уырыссаг, французаг ӕмӕ япойнаг. Ацы фильмтӕ уӕ кӕд хъӕуынц, уӕд DVD-тӕ кӕнӕ видеокассетӕтӕ заказ кӕнын хъӕуы ӕмбырды уылты, цас раздӕр, уыйас хуыздӕр.

◼ 2005 азы Ӕрымысӕн изӕры фӕдыл сӕрмагонд раныхас уыдзӕн 10 апрелы, хуыцаубоны. Раныхасы ном фехъусын кӕндзыстӕм фӕстӕдӕр. Уыцы хуыцаубон районон цӕстдарӕг цы ӕмбырды уа, йе та конгресс кӕмӕн уа, уыдон уыцы сӕрмагонд раныхасмӕ байхъусдзысты къуыри фӕстӕдӕр. Ацы раныхас 2005 азы 10 апрелӕй раздӕр иу ӕмбырды дӕр хъуамӕ ма уа.

◼ Алы аз дӕр, Паддзахады зал цы уавӕры ис, уымӕ фӕхъӕуы ӕркӕсын. Уымӕ гӕсгӕ, кӕд дзы исты цалцӕггӕнинаг ис, уӕд ӕмбырдты хистӕр нӕлгоймӕгтӕ хъуамӕ батыхсой сӕ саразыныл, 2003 азы «Нӕ хъусын кӕныны хъуыддаджы» 4, 5 фӕрстыл куыд фыст ис, афтӕ. Районон цӕстдарӕг ӕмбырд куы бӕрӕг кӕна, уӕд йӕ хъус ӕрдардзӕн, уыцы хъуыддаг бакодтой ӕви нӕ. Ӕмбырдӕн йӕхи Паддзахады зал куы уа, уӕд залӕн дзуапдӕттӕг ӕмбырды секретарь ӕркӕсдзӕн, залы юридикон гӕххӕттытӕ цы уавӕры сты, уымӕ. Уый хъуамӕ филиалмӕ арвита, залӕй пайда кӕныны бар чи бӕлвырд кӕны, уыцы гӕххӕттыты къопитӕ, кӕд сӕ нырмӕ нӕ арвыстой, уӕд.

◼ Хистӕр нӕлгоймӕгтӕ хъуамӕ ӕркӕсой 1991 азы 15 апрелы «Хъахъхъӕнӕн мӕсыг»-ы 21—23 фӕрстыл (уыр.) лӕвӕрд уынаффӕтӕм; уыдон хауынц, ӕмбырды хъоды кӕуыл бакодтой кӕнӕ ӕмбырд чи ныууагъта ӕмӕ бабӕрӕг кӕнын кӕй хъӕуы, уыдонмӕ.

◼ Ӕмбырдмӕ «Хъахъхъӕнӕн мӕсыг» ӕмӕ «Райхъал ут!»-ы фӕстаг номыртӕ куыддӕр ӕрцӕуынц, афтӕ сӕ хъӕуы хъусынгӕнджытӕн байуарын, цӕмӕй сӕ уацамынды парахат кӕныны размӕ бакӕсой.

◼ Октябры фондз сабат ӕмӕ хуыцаубоны кӕй уыдзӕн, уымӕ гӕсгӕ уый тынг хорз фадат у ӕххуысгӕнӕг пионерӕй балӕггад кӕнынӕн.

◼ 2004 азы 6 июны, Санкт-Петербурджы, Лӕггад фӕхуыздӕр кӕныны скъолайы йӕ ахуыр фӕци 22-ӕм кълас. Программӕмӕ байхъуыста 314 адӕймаджы. Тынг ӕхсызгон нын у, ноджыдӕр ма 24 адӕймаджы хорз ахуыр кӕй райстой ӕмӕ сӕ зонындзинӕдтӕй се ’мбырдты хӕрзӕбонӕн кӕй пайда кӕндзысты. Ацы къласы чи ахуыр кодта, уыдонӕй алкӕй дӕр Иегъовӕйы хорзӕх уӕд! (1 Тимофеймӕ 4:16).

◼ 2004 азы 29 майы Иегъовӕйӕн снывонд кодтой Паддзахады зал горӕт Ясныйы (Оренбурджы облӕст). 2004 азы 5 ӕмӕ 6 июны залтӕ бакодтой Ростовы облӕсты горӕттӕ Зверево, Белая Калитва ӕмӕ Донецкы. Программӕмӕ байхъуыстой 185, 214, 195 ӕмӕ 188 адӕймаджы.

◼ Фӕнды нӕ фехъусын кӕнын, уӕхицӕн куы хос кӕнат, уӕд уын чи фӕахъаз уыдзӕн, ахӕм хабар. УФ-йы Ӕнӕниздзинад хъахъхъӕнынады министрад 2002 азы 25 ноябры приказӕй №363 сфидар кодта «Туджы сӕйраг хӕйттӕй пайда кӕныны фӕдыл инструкци». Инструкциимӕ ма ис бланкы хуызӕг. Уыцы бланкы амынд у, рынчынӕн уый бар кӕй ис, цӕмӕй ма сразы уа туг кӕнӕ йӕ сӕйраг хӕйттӕ уадзыныл. Афтӕ ма — туг уадзыны бӕсты цы мадзӕлттӕ ис, уыдонӕй рынчынӕн цавӕртӕй у йӕ бон хос кӕнын, уый дӕр. Уыцы бланк куы байдзаг кӕнат, уӕд хорз уаид, уӕхӕдӕг ма ӕндӕр документ дӕр куы саразиккат ӕмӕ йӕ йемӕ куы нывӕриккат. Уым уӕ бон у лӕмбынӕг ӕмӕ бӕлвырд ныффыссын, ахӕм хъуыдыйыл хӕст цӕмӕн стут, уый (кӕс «Кӕсджыты фарстытӕ» «Хъахъхъӕнӕн мӕсыг»-ы, 2000 аз, 15 июнь, уыр. ӕмӕ 2000 аз, 1 ноябрь.). Кӕнӕ та уын кӕм хос кӕной, уым уын цы бланк раттой, уым хъӕугӕ ивындзинӕдтӕ скӕнат ӕмӕ\кӕнӕ йӕ баххӕст кӕнат.

Хос кӕнынмӕ ӕндӕр горӕтмӕ куы цӕуат ӕмӕ, цалынмӕ хос кӕнат, уӕдмӕ уӕ куы хъӕуа цӕрӕнбынат ӕмӕ\кӕнӕ Рынчындӕттимӕ ӕмгуыстгӕнӕг комитеты ӕххуыс, уӕд уый тыххӕй, уӕ хорзӕхӕй, зӕгъут уе ’мбырды хистӕр нӕлгоймӕгтӕн ӕмӕ уыдон фӕдзурдзысты, кӕм хос кӕндзынӕ, уыцы горӕты ӕмбырдтӕн горӕты цӕстдарӕгмӕ.