Хъусинӕгтӕ

◼ Литературӕ парахат кӕнынӕн. Декабры: ӕмбырды цы 192-фарсон чингуытӕ ис, уыдонӕй кӕцыфӕнды дӕр. Адӕймаг чиныг куы нӕ айса, уӕд ын раттӕн ис брошюрӕ «Ма бафынӕй ут!». Январы: «Ӕппӕты номдзыддӕр адӕймаг». Дӕттӕн ма ис «Мӕ библион радзырдты чиныг» кӕнӕ «Дӕ бон у ӕнустӕм дзӕнӕты зӕххыл цӕрын», кӕд ӕмбырды ис, уӕд. Февралы: «Баввахс у Иегъовӕмӕ». Кӕд ацы чиныг ӕмбырды нӕй, уӕд та дӕттӕн ис чиныг «Цард – куыд фӕзынд? Эволюцийы уылты ӕви сфӕлдыстады уылты?» (уыр.) кӕнӕ та ӕмбырды цы 192-фарсон чингуытӕ ис, уыдонӕй кӕцыфӕнды дӕр.

◼ Тагъд алы ӕмбырдмӕ дӕр йӕхи ӕвзагыл ӕрвыст ӕрцӕудзысты 2006 азы Ӕрымысӕн изӕрмӕ хуынды гӕххӕттытӕ. Кӕд уӕ территорийы ӕндӕр ӕвзӕгтыл дӕр дзурынц, ӕмӕ уӕ фӕнды уыцы ӕвзӕгтыл дӕр хуынды гӕххӕттытӕ райсын, уӕд уӕ заказ ӕвӕстиатӕй арвитут бланкыл (S-14). Хуынды гӕххӕттытӕ цы ӕвзӕгтыл уыдзысты, уыцы хыгъд уыдзӕн фыстӕджы «Хъусинаг ӕппӕт ӕмбырдтӕн дӕр», ӕмӕ ӕрвыст ӕрцӕудзӕн алы ӕмбырдмӕ дӕр. Курӕм уӕ, хуынды гӕххӕттытӕ рафыссут, уӕ территорийы цы ӕвзӕгтыл дзурынц, ӕрмӕстдӕр уыцы ӕвзӕгтыл.

◼ 2007 азы Ӕрымысӕн изӕр уыдзӕн 2 апрелы, къуырисӕры, хурныгуылды фӕстӕ. Рагацау ӕй уый тыххӕй хъусын кӕнӕм, ӕмӕ кӕд иу Паддзахады залы цалдӕр ӕмбырды вӕййы, уӕд цӕмӕй ӕфсымӕртӕ уыцы бонмӕ афойнадыл ӕндӕр залтӕ баххуырсой. Хистӕр нӕлгоймӕгтӕ хъуамӕ агъуысты хицауимӕ баныхас кӕной, цӕмӕй дзы уыцы рӕстӕг хъӕр-хъӕлӕба ма уа ӕмӕ Ӕрымысӕн изӕр уаг ӕмӕ ӕгъдауыл ацӕуа.

◼ Ӕрымысӕн изӕр куыд ахсджиаг у, уый зӕрдыл даргӕйӕ, хистӕр нӕлгоймӕгты совет, раныхасимӕ чи рацӕудзӕн, уыцы ӕфсымӕры радмӕ гӕсгӕ кӕнӕ алы аз дӕр уыцы иуы нысан кӕныны бӕсты хъуамӕ равзара фӕлтӕрдджын хистӕр нӕлгоймаджы. Кӕд уе ’мбырды ис хистӕр нӕлгоймаг сӕрст чырыстӕттӕй ӕмӕ йӕ бон у ныхасы рацӕуын, уӕд ӕй бахӕс кӕнын хъӕуы уымӕн.

◼ 2005 азы 20 августы горӕт Волжскийы (Волгограды облӕст) Иегъовӕйӕн снывонд кодтой, ӕртӕ Паддзахады залы кӕм ис, ахӕм галуан. Программӕмӕ байхъуыста 442 адӕймаджы.