Хъусинӕгтӕ

◼ Литературӕ парахат кӕнынӕн. Январь: «Ӕппӕты номдзыддӕр адӕймаг». Дӕттӕн ма ис «Мӕ библион радзырдты чиныг» кӕнӕ «Дӕ бон у ӕнустӕм дзӕнӕты зӕххыл цӕрын», кӕд ӕмбырды ис, уӕд. Февраль: «Баввахс у Иегъовӕмӕ». Кӕд ацы чиныг ӕмбырды нӕй, уӕд та дӕттӕн ис чиныг «Цард – куыд фӕзынд? Эволюцийы уылты ӕви сфӕлдыстады уылты?» (уыр.) кӕнӕ та, ӕмбырды цы 192-фарсон чингуытӕ ис, уыдонӕй кӕцыфӕнды дӕр. Мартъи: Ног чиныг, «Библи бӕлвырдӕй цы дзуры», зӕгъгӕ. Бацархай искӕимӕ Библи ахуыр кӕнын райдайын. Апрель: журналтӕ «Хъахъхъӕнӕн мӕсыг» ӕмӕ «Райхъал ут!». Чи бацымыдис кӕна, уыдонмӕ дыккаг хатт куы цӕуай, уыимӕ, Ӕрымысӕн изӕры ӕмӕ/кӕнӕ ӕндӕр фембӕлды чи уыд, фӕлӕ ӕмбырды хъуыддӕгты чи нӕ архайы, уыдонмӕ дӕр, уӕд-иу сын ратт ног чиныг «Библи бӕлвырдӕй цы дзуры». Дӕ нысан уӕд уыцы чиныджы руаджы адӕймагимӕ Библи ахуыр кӕнын райдайын.

◼ 2006 азы 6 майы Санкт-Петербурджы, Солнечныйы, филиалы ӕфснайгӕ кӕндзысты, ӕмӕ дзы уыцы бон экскурситӕ нӕ уыдзӕн.

◼ Апрелы фондз сабат ӕмӕ хуыцаубоны кӕй уыдзӕн, уымӕ гӕсгӕ уый тынг хорз фадат у уыцы мӕй ӕххуысгӕнӕг пионерӕй балӕггад кӕнынӕн.

◼ Февралӕй 5-ӕм мартъийы онг районон цӕстдарӕгӕн уыдзӕн ног ӕргом раныхас «Дӕ бон у цин кӕнын сабыр цардыл абон дӕр ӕмӕ ӕнустӕм дӕр!».

◼ Ӕмбырдтӕ хъуамӕ хорз бацӕттӕ кӕной Ӕрымысӕн изӕр сбӕрӕг кӕнынмӕ. Ацы аз уыдзӕн 12 апрелы, ӕртыццӕджы, хурныгуылды фӕстӕ. Кӕд раныхас хурныгуылды размӕ ис райдайӕн, уӕддӕр нысӕнттӕ адӕттӕн ис ӕрмӕстдӕр хурныгуылды фӕстӕ. Базонут, сымахмӕ хур кӕд аныгуылы, уый. Алы ӕмбырд дӕр Ӕрымысӕн изӕр хъуамӕ хицӕнӕй бӕрӕг кӕнид, фӕлӕ уымӕн алкӕд гӕнӕн нӕ вӕййы. Иу Паддзахады залӕй цалдӕр ӕмбырды куы пайда кӕной, уӕд сӕ, ӕвӕццӕгӕн, искӕцыты уыцы изӕрмӕ бахъӕудзӕн ӕндӕр агъуыст бацагурын. Хорз уаид, гӕнӕн кӕм уа, уым программӕты ’хсӕн 40 минуты бӕрц куы уаид, цӕмӕй ацы Изӕр алкӕмӕндӕр фӕахъаз уа. Хъӕуы ма бацархайын, цӕмӕй нӕ машинӕтӕ иннӕ транспорты цыд ма къуылымпы кӕной ӕмӕ макӕй бахъыгдарой, искӕй бынатмӕ ӕмӕ фӕстӕмӕ куы ласӕм, уӕд. Хистӕр нӕлгоймӕгты совет хъуамӕ баныхас кӕна, бынӕттон уавӕрты хуыздӕр цы уыдзӕн саразын, ууыл.

◼ Ӕндӕр бӕстӕм балцы куы цӕуай ӕмӕ уым ӕмбырды фембӕлдтӕм, районон кӕнӕ облӕстон конгресмӕ цӕуынвӕнд куы кӕнай, уӕд дӕ уыцы фембӕлдты бынат ӕмӕ рӕстӕг базонынӕн фыстӕг фыссын хъӕуы уыцы бӕстӕйы филиалмӕ. Филиалты адристӕ ссарӕн ис ацы азы «Ӕрвылазон чиныджы» (уыр.) фӕстаг фарсыл.

◼ 2005 азы 5 июны, 21 ӕмӕ 29 августы, 3 ӕмӕ 23 сентябры, стӕй ма 8 октябры Иегъовӕйӕн Паддзахады залтӕ снывонд кодтой горӕттӕ Грязи ӕмӕ Тихорецкы (Краснодарский край), иу боны мидӕг – Хабаровск ӕмӕ поселок Корфовскийы (Хабаровский край), афтӕ ма поселок Светлый Яр (Волгограды облӕст) ӕмӕ горӕт Гуковойы (Ростовы облӕст), Усть-Илимскы (Иркутскы облӕст) ӕмӕ Осинникты (Кемеровы облӕст). Программӕмӕ байхъуыстой 149, 126, 364 ӕмӕ 27, 143, 172, 197 ӕмӕ 270 адӕймаджы.