Сентябры парахат кӕндзыстӕм журнал «Райхъал ут!»-ы сӕрмагонд номыр
1 Кӕмӕн нӕ вӕййы ӕхсызгон мӕргъты зардмӕ хъусын ӕмӕ хурныгуылдмӕ кӕсын. Фӕлӕ бирӕты нӕ уырны, уыдӕттӕ уарзӕгой уӕларвон Фыд кӕй сфӕлдыста. Махӕн хорз фадат уыдзӕн, цӕмӕй, Иегъовӕ Дунесфӕлдисӕг кӕй у, уый тыххӕй адӕмӕн хъусын кӕнӕм, журнал «Райхъал ут!»-ы (уыр.) сӕрмагонд номыр парахат кӕнгӕйӕ (Ис. 40:28; 43:10). Сентябры номыр ӕнӕхъӕнӕй дӕр уыдзӕн ахӕм темӕйыл: «Сфӕлдисӕг ис?».
2 Территорийы. Гӕнӕн уӕвгӕйӕ ӕмбырдимӕ алы сабаты дӕр хӕдзарӕй-хӕдзармӕ хъусын кӕн. Кӕй зӕгъын ӕй хъӕуы, ацы сӕрмагонд номыр дӕ бон у парахат кӕнын иннӕ бонты дӕр. Ацы журнал уӕлдай цымыдисаг уыдзӕн ахуыргӕнджытӕн ӕмӕ ма ахуырады фадыджы чи кусы, ӕндӕр ахӕм адӕмӕн дӕр. Уымӕ гӕсгӕ хъӕудзӕн бацархайын, цӕмӕй, ахӕм адӕмӕй уӕ территорийы чи ис, уыдонмӕ бацӕуат.
3 Адӕймаг куы бацымыдис кӕна, уӕд ӕм уӕ ныхасы кӕрон фарст ратт ӕмӕ йын зӕгъ, иннӕ хатт ын дзуапп кӕй ратдзынӕ. Дӕ бон ӕй у бафӕрсын: «Уарзӕгой Сфӕлдисӕг адӕмы хъизӕмӕрттӕн кӕрон цӕуылнӕ скӕны?». Стӕй йӕм ногӕй куы бацӕуай, уӕд ын йе ’ргом аздах чиныг «Библи цы дзуры?»-йӕ 1-аг кӕнӕ 11-ӕм сӕрмӕ. Кӕнӕ та йӕ бафӕрс: «Сфӕлдисӕгмӕ зӕххы тыххӕй цы фӕнд ис?». Дыккаг хатт ӕм куы бацӕуай, уӕд йемӕ чиныгӕй 3-аг сӕрыл аныхас кӕн.
4 Скъолайы. Кӕд скъолайы ахуыр кӕныс, уӕд хорз нӕ уаид, ацы журналтӕй дӕ ахуыргӕнджытӕн ӕмӕ де ’мкъласонтӕн куы раттис? Журнал ӕрмӕст дӕ партӕйыл куы ӕрӕвӕрай, уӕд дӕр дӕ, чи зоны, фӕрсын райдайой, цӕуыл ӕууӕндӕм, уыдӕтты тыххӕй. Ацы журналы ӕрмӕгӕй ма дӕ бон уыдзӕн спайда кӕнын, къласы исты темӕйыл ныхасгӕнгӕйӕ дӕ дӕ уырнындзинады сӕрыл дзурын куы бахъӕуа кӕнӕ сочинени куы фыссай, уӕд. Ацы журналы рубрикӕйы «Фӕсивӕды фарстытӕ», зӕгъгӕ, ис статья «Дуне Хуыцау кӕй сфӕлдыста, ууыл кӕй ӕууӕндын, уый сӕрыл мӕ бон дзурын куыд у?».
5 Иегъовӕ цы сфӕлдыста, уый тыххӕй у кад ӕмӕ намысы аккаг (Рарг. 4:11). Махӕн дӕр нӕ бон у не Сфӕлдисӕджы кадджын кӕнын ӕмӕ афтӕмӕй иннӕтӕн дӕр ӕххуыс кӕнын сентябры «Райхъал ут!» зынгзӕрдӕйӕ парахат кӕнгӕйӕ.