Хъусинӕгтӕ

◼ Литературӕ парахат кӕнынӕн. Апрель: алы мӕй дӕр парахат кӕнынӕн кӕй райсӕм, уыцы брошюрӕтӕ. Адӕймагмӕ дыккаг хатт куы бацӕуай, уӕд спайда кӕн брошюрӕтӕй «Хуыцаумӕ хъус» ӕмӕ «Хуыцаумӕ хъус ӕмӕ ӕнустӕм цӕрай». Май ӕмӕ июнь: трактаттӕ «Рӕстдзинад базонын дӕ фӕнды?», «Цин кӕн бинонты цардыл», «Цӕмӕн ис ӕууӕндӕн Библийыл». Адӕймагмӕ дыккаг хатт куы бацӕуай, уӕд бацархай йемӕ Библи ахуыр кӕнын райдайын. Кӕд хъӕуа, уӕд спайда кӕн брошюрӕтӕй «Хуыцаумӕ хъус» ӕмӕ «Хуыцаумӕ хъус ӕмӕ ӕнустӕм цӕрай». Июль ӕмӕ август: чиныг «Ӕппӕты номдзыддӕр адӕймаг». Кӕд адӕймагӕн сывӕллӕттӕ ис, уӕд ын раттӕн ис чиныг «Хъус ӕппӕты хуыздӕр Ахуыргӕнӕгмӕ». Сентябрь: парахат кӕндзыстӕм брошюрӕтӕ.

◼ Облӕстон конгрессы хӕдразмӕ ӕмбырдтӕн сӕ бон уыдзӕн хъусын кӕныны фембӕлды программӕ фӕивын, цӕмӕй сӕ зӕрдыл ӕрлӕууын кӕной, 22 апрелӕй райдайгӕ къуырийы конгрессы фӕдыл цы уынаффӕтӕ ӕмӕ зӕрдылдаринӕгтыл ныхас кодтой, уыдон. Конгрессӕй иу-дыууӕ мӕйы куы рацӕуа, уӕд «Ӕркӕсинаг фарстаты» бӕсты уӕ бон у аныхас кӕнын, конгрессы программӕйӕ хъусынгӕнджытӕн сӕ лӕггады цы баххуыс кодта, ууыл.

◼ Облӕстон конгресмӕ ӕндӕр бӕстӕмӕ куы цӕуай, уӕд уый фӕдыл фылдӕр хабӕрттӕ базонӕн ис сайты www.pr418.com. Равзар-иу дзы «О нас» «Конгрессы» «Поиск».