НӔ ЧЫРЫСТОН ЦАРД
Раст дин чи ныууагъта, уыдоны ныхӕстӕй дӕхи хъахъхъӕн
Хӕйрӕг ӕмӕ, йӕ зондыл чи цӕуы, уыдон арӕх рӕстдзинад мӕнгдзинадимӕ схӕццӕ кӕнынц, цӕмӕй нӕ уырнындзинад ӕрлӕмӕгъ уа (2Кр 11:3). Зӕгъӕм, ассириӕгтӕ цавӕрдӕр хабӕрттӕ сзыгъуыммӕ кодтой, стӕй мӕнг ныхӕстӕ кодтой, цӕмӕй израилӕгтӕн сӕ ныфс асастаид (2Аз 32:10–15). Раст дин чи ныууагъта, уыдон дӕр афтӕ фӕархайынц. Хъуамӕ уӕм къӕрцхъус, уымӕн ӕмӕ сӕ ныхӕстӕ маргӕй уӕлдай не сты. Цытӕ ныффыссынц, уыдӕттӕ-иу ма кӕс, дӕхӕдӕг дӕр-иу сӕм мацы фысс ӕмӕ-иу сын сӕ ныхӕстӕ иннӕтӕн ма дзур. Уыдон архайынц, цӕмӕй Йегъовӕйыл ӕмӕ йӕ организацийыл мауал ӕууӕндӕм. Уӕдӕ-иу исты кӕсгӕйӕ уайтагъд сбӕрӕг кӕн, уыцы ныхӕстӕ кӕмӕй цӕуынц (Иуд 3, 4).
БАКӔС ВИДЕОРОЛИКМӔ «УЫРНЫНДЗИНАДЫ... СӔРВӔЛТАУ ӔППӔТ ХЪАРУТӔЙ ТОХ КӔНУТ!» (СКЪУЫДДЗАГ) ӔМӔ ДЗУАПП РАТТ АЦЫ ФАРСТАТӔН:
Цавӕрдӕр фарстаты фӕдыл адӕм сӕ хъуыдытӕ кӕм фӕфыссынц, ахӕм сайтмӕ куы бахизӕм, уӕд къӕрцхъус цӕмӕн хъуамӕ уӕм?
Ромӕгтӕм 16:17 стихы цы уынаффӕ ис, уымӕ гӕсгӕ нӕ бон куыд у архайын?