2013 азы стих

Нӕ эрӕйы размӕ 1473 азы израилӕгтӕ цӕттӕ уыдысты Зӕрдӕвӕрд зӕхмӕ бацӕуынмӕ, фӕлӕ сӕ ныхмӕ лӕууыд тыхджын знаг. Хуыцау Йесо Навинӕн загъта: «Хъӕбатыр ӕмӕ фидар у». Йесо Навин Хуыцауы закъӕттӕ куы ’ххӕст кодтаид, уӕд йӕ хӕслӕвӕрд йӕ къухы бафтыдаид. Йегъовӕ ма йын загъта: «Уӕдӕ ӕппындӕр мацӕмӕй тӕрс, уымӕн ӕмӕ кӕдӕмфӕнды ма ацӕуай – дӕ Хуыцау Йегъовӕ уыдзӕн демӕ». Бӕрӕг уыд, Хуыцау ӕцӕгӕйдӕр йемӕ кӕй уыд, уымӕн ӕмӕ израилӕгты ӕхсӕз азы йеддӕмӕ нӕ бахъуыд, цӕмӕй се знӕгтыл фӕуӕлахиз уыдаиккой (Йес. Н. 1:7–9).

Ӕцӕг чырыстӕттӕ дӕр тагъд рӕстӕджы бацӕудзысты зӕрдӕвӕрд ног дунемӕ, ӕмӕ уымӕ гӕсгӕ хъуамӕ хъӕбатыр ӕмӕ фидар уой. Йесо Навинау махӕн дӕр ис тыхджын знӕгтӕ ӕмӕ архайынц, цӕмӕй Хуыцауыл нӕ зӕрдӕ сивӕм. Мах арц ӕмӕ хъамайӕ нӕ хӕцӕм, фӕлӕ, нӕ уырнындзинад кӕй фӕрцы хъахъхъӕнӕм, ахӕм хӕцӕнгарзӕй, ӕмӕ нӕ Йегъовӕ ахуыр кӕны, цӕмӕй дзы арӕхстджынӕй пайда кӕнӕм. Цыфӕнды уавӕрты дӕр дӕ ныфс уӕд, хъӕбатыр, фидар ӕмӕ иузӕрдион куы уай, уӕд Йегъовӕ демӕ кӕй уыдзӕн ӕмӕ кӕй уӕлахиз кӕндзынӕ.