29 (62) зарӕг

Амондджын у хатыргӕнаг!

(Матфейы 5:7)

1. У амондджын хатыргӕнаг,

Хуыцауы цӕсты — арфӕйаг!

Рӕстзӕрдӕ адӕмӕн зӕгъы:

Хуыцау хатырыл цин кӕны.

Хуыцау стыр хатыр бакодта,

Ӕлхӕнӕг нывонд бафыста.

У сабыртӕм фӕлмӕнзӕрдӕ,

Уый зоны — мах лӕмӕгъ ыстӕм.

2. Хатыргӕнджытӕн ис хатыр,

Сӕрибар, амондджын ысты.

Цӕмӕй фӕуа тӕригъӕд барст,

Чырысти ’рлӕууыд Фыды раз.

Сты уыдон дӕр зӕрдӕфӕлмӕн,

Хӕссынц хорз хабар адӕмӕн,

Сӕ ныхас алкӕмӕндӕр у:

«Ног Паддзахадыл цин кӕнут!»

3. Хатыргӕнаг лӕудзӕн ӕдас

Тӕрхоны бон Хуыцауы раз.

Кӕй хатыр кӕны иннӕтӕн,—

Хуыцауы хорзӕх банкъардзӕн.

Цӕй, уӕм уӕдӕ хатыргӕнаг,

Уӕд не ’гъдау уый ӕмӕ нӕ уаг.

Гӕнӕн куы уа, уӕд алкӕддӕр

Фӕзмӕм Хуыцауы уымӕй дӕр.

ФӔСТАГ РӔНХЪЫТӔ

(ӕртыккаг цыппаррӕнхъоны фӕстӕ)

У амондджын хатыргӕнаг,

Хуыцауы цӕсты — арфӕйаг!