36 (81) зарӕг

Бузныг стӕм Хуыцауы фӕразондзинады тыххӕй

(2 Петры 3:15)

1. Стыр тыхӕй ды, Хуыцау, кӕддӕр

Скодтай рӕсугъд ам алцыдӕр.

Уый мах уынӕм дӕ хъуыддӕгты

’Гас зӕххыл дӕр ’мӕ уӕлӕрвты.

Цин хӕссы а рӕсугъддзинад,—

Се ’ппӕтӕн, чи уарзы рӕстад.

Фендзысты стырдӕр диссаг та,

Хицау дӕ, уый куы сбӕрӕг уа.

2. Стыр Хуыцау, уыд рӕстӕй дӕ бон

Скӕнын фыддзинадӕн кӕрон,

Фӕлӕ цӕмӕй мах райсӕм цард,

Баурӕдтай дӕ масты арт.

Райгӕ дӕ ном ныр чи хӕссы,

Бузныг дӕ сты, кӕй фӕразыс,

Зарынц дӕуӕн, сӕ бӕллиц та —

Хицау дӕ, уый куыд сбӕрӕг уа.

3. Бирӕ фӕразыс,— бузныг стӕм,

Адӕмӕн хорз хабар хӕссӕм,

Дзурӕм, куыд хорз Хуыцау дӕ ды,—

Библийы ирдӕй уый зыны.

Раст сӕ куыд кӕнӕм,— бацамон,

Фервӕзын уӕд куыд уа сӕ бон,

Дӕ кад сӕ алчи куыд уына,

Хицау дӕ, уый куы сбӕрӕг уа.