Дӕ цӕстыты раз уӕд лӕвар!

1. Куырм та цӕстӕй куы ракӕса,

Куы хъуса ногӕй та къуырма,

Куы рафтауой хус зӕххытӕ,

Куы дзы кӕлой цӕугӕдӕттӕ,

Къуылыхтӕ уӕд куы ныккафой,

Стӕй иумӕ бинонтӕ куы уой,–

Зон, фендзынӕ ды уыцы цард,

Дӕ цӕстыты раз уӕд лӕвар.

2. Ӕгомыг та куы ысдзура,

Зӕронд та ногӕй ’взонг куы суа,

Зӕххы куысты куы уа бӕркад,

Куы уыной адӕм хорздзинад,

Уӕд цин кӕндзысты сабитӕ,

Фӕрнӕй цӕрдзысты адӕмтӕ,

Мард чи уыд, уый та фендзӕн цард.

Дӕ цӕстыты раз уӕд лӕвар!

3. Куы хиза бирӕгъ фысты цур,

Куы тава арс ’мӕ роды хур,–

Гыццыл лӕппумӕ хъусдзысты,

Йӕ разы иумӕ хиздзысты.

Цӕссыгтӕ, маст куы ферох уой,

Куы нал уа рыст ’мӕ тасы кой,–

Хуыцау ыскӕндзӕн ахӕм цард.

Дӕ цӕстыты раз уӕд лӕвар!