3 ХАЙ

Цавӕр цард уыди Дзӕнӕты?

Йегъовӕ Адам ӕмӕ Евӕйы бирӕ хорздзинӕдтӕй схайджын кодта (Райдиан 1:28).

Йегъовӕ Евӕйы куы сфӕлдыста, уӕд ӕй Адаммӕ ӕрбакодта

Йегъовӕ сфӕлдыста фыццаг сылгоймаг Евӕйы, ӕмӕ йӕ радта Адамӕн, ӕмӕ сси йӕ бинойнаг (Райдиан 2:21, 22).

Йегъовӕ сӕ куы сфӕлдыста, уӕд уыдысты алцӕмӕйдӕр ӕххӕст – зондӕй дӕр ӕмӕ буарӕй дӕр.

Адам ӕмӕ Евӕ кӕсынц, дзӕнӕт куыд рӕсугъд у, уымӕ

Уыдон цардысты Дзӕнӕты, Едемы цӕхӕрадоны. Уый уыд тынг рӕсугъд бынат, уыди дзы цӕугӕдон, дыргъбӕлӕстӕ ӕмӕ цӕрӕгойтӕ.

Йегъовӕ семӕ ныхас кодта ӕмӕ сӕ ахуыр кодта. Куы йӕм хъуыстаиккой, уӕд ӕнустӕм зӕххыл Дзӕнӕты цардаиккой.

Хуыцау сӕ ӕрмӕстдӕр иу бӕласмӕ нӕ уагъта ӕвналын (Райдиан 2:16, 17).

Йегъовӕ Адам ӕмӕ Евӕйӕн афтӕ кӕмӕй загъта, ма дзы бахӕрут, зӕгъгӕ, уыцы бӕлас

Зӕдтӕй иу Хуыцауы ныхмӕ рацыд. Уыцы ӕвзӕр зӕд у Сайтан Хӕйрӕг.

Фыдгӕнӕг зӕд, Сайтан Хӕйрӕг, калмы уылты Евӕимӕ ныхас кӕны

Йегъовӕ Адам ӕмӕ Евӕйӕн Дзӕнӕты равдыста иу дыргъбӕлас ӕмӕ сын загъта, зӕгъгӕ дзы куы бахӕрат, уӕд амӕлдзыстут.

Хӕйрӕджы нӕ фӕндыд, цӕмӕй Адам ӕмӕ Евӕ Йегъовӕмӕ хъуыстаиккой. Уый тыххӕй калмӕй спайда кодта, ӕмӕ Евӕйӕн загъта, зӕгъгӕ, уыцы бӕласы дыргъӕй куы бахӕрай, уӕд нӕ амӕлдзынӕ, фӕлӕ суыдзынӕ Хуыцауы хуызӕн. Хӕйрӕг сӕ сайгӕ кодта (Райдиан 3:1–5).