Чи уыд Йесо Чырысти?

Йегъовӕ Йесойы рарвыста зӕхмӕ (1 Иоанны 4:9).

Цӕмӕй Йегъовӕйы хорзӕх ссарӕм, уый тыххӕй йын хъуамӕ йӕ Фыртмӕ хъусӕм. Йегъовӕ йӕ сфӕлдыста Адамӕй бирӕ раздӕр, ӕмӕ уӕлӕрвты уыди тыхджын зӕд.

Цасдӕры фӕстӕ йын Йегъовӕ йӕ цард рахаста иу ӕрыгон сылгоймаг Марийӕйы хуылфмӕ. Куы райгуырд, уӕд ӕй схуыдтой Йесо. Уыцы хабар ӕрцыд Вифлеемы (Иоанны 6:38).

Чырысти зӕххыл цӕргӕйӕ алцӕмӕй дӕр уыди Хуыцауы хуызӕн. Уыд фӕлмӕн, хӕларзӕрдӕ ӕмӕ уарзта адӕмы. Чырысти хъӕбатырӕй дзырдта Йегъовӕйы тыххӕй.

Йесо адӕмӕн лӕггад кодта, фӕлӕ йӕ уӕддӕр нӕ уарзтой (1 Петры 2:21–24).

Чырысти дины разамонджытӕн сӕ мӕнг ахуырӕдтӕ ӕмӕ се ’взӕр хъуыддӕгтӕ кӕй ӕргом кодта, уый тыххӕй дзы сӕ удхӕссӕг уыдтой.

Чырысти ма дзӕбӕх кодта рынчынты ӕмӕ ӕгас кодта мӕрдты.

Дины разамонджытӕ ромаг хицӕуттӕн Йесойы тыххӕй мӕнг ныхӕстӕ фӕкодтой, ӕмӕ йӕ уыдон дӕр фӕнадтой ӕмӕ йӕ амардтой.