75 ЗАРӔГ
«Мӕнӕ ӕз! Мӕн арвит!»
(Исай 6:8)
1. Хуыцауы фауынц бирӕтӕ,
Ӕдых ӕй хонынц чидӕртӕ.
«Ӕгъатыр у»,– ӕндӕр зӕгъы,
«Хуыцау нӕй!» – ’нӕзонд хъӕр кӕны.
Чи срухс кӕндзӕн Хуыцауы ном?
Йӕ кадыл чи зардзӕн ӕргом?
1-АГ БАЗАРД
«Хуыцау, мӕн арвит! Мӕнӕ дӕн!
Дӕ кадыл ӕз ныззардзынӕн.
Мӕнӕн уый у ӕцӕгдӕр стыр кад!
Ӕз цӕттӕ дӕн, арвит мӕн!»
2. «Хуыцау нырмӕ кӕм ис?» – зӕгъынц.
Ӕппындӕр дзы куыннӕ тӕрсынц!
Чи дуртӕн кувы, чи – нывтӕн,
Чи табу кӕны паддзахӕн.
Ныр сын сӕ фидӕн чи зӕгъдзӕн,
Тӕрхоны бон кӕй ралӕудзӕн?
2-АГ БАЗАРД
«Хуыцау, мӕн арвит! Мӕнӕ дӕн!
Уӕндонӕй сӕ фӕдзӕхсдзынӕн.
Мӕнӕн уый у ӕцӕгдӕр стыр кад!
Ӕз цӕттӕ дӕн, арвит мӕн!»
3. Кӕрон куыд нӕй фыддзинадӕн!
Зын цард ыскодта сабыртӕн.
Рӕстдзинад алкӕм агурынц,
Фарн, удӕнцоймӕ тынг бӕллынц.
Ныр сын ныфсы хос чи уыдзӕн?
Рӕстдзинад чи ӕргом кӕндзӕн?
3-АГ БАЗАРД
«Хуыцау, мӕн арвит! Мӕнӕ дӕн!
Фӕлмӕнӕй семӕ дзурдзынӕн.
Мӕнӕн уый у ӕцӕгдӕр стыр кад!
Ӕз цӕттӕ дӕн, арвит мӕн!»