6 УРОК

Бамбарын кӕн, стих цӕмӕн кӕсыс

Иоанны 10:33–36

НЫСАН: Стих ӕнӕуи ма бакӕс ӕмӕ дарддӕр ӕндӕр хъуыдыйыл дзурын ма райдай. Бацархай, цӕмӕй хъусджытӕ хорз бамбарой, цы стих бакастӕ ӕмӕ цы дзурыс, уыдон куыд баст сты.

УЫЙ КУЫД ИС АРАЗӔН

Сӕйраг дзырдтӕ рахицӕн кӕн. Стих куы бакӕсай, уӕд-иу дӕ темӕимӕ баст сӕйраг дзырдтӕ рахицӕн кӕн. Уый тыххӕй-иу уыцы дзырдтӕ ногӕй зӕгъ кӕнӕ-иу хъусджытӕм фарста ратт, цӕмӕй-иу сӕйраг дзырдтӕ сбӕрӕг кӕной.

Стихы сӕйраг хъуыды дӕхи ныхӕстӕй куы зӕгъай, уӕд-иу бацархай, цӕмӕй хъусджытӕ хорз ӕмбарой, Библийы стих сӕйраг хъуыдыимӕ куыд баст у, уый.
Хъусджытӕ кӕй хъуамӕ бахъуыды кӕной, уыцы хъуыды-иу рахицӕн кӕн. Кӕд стих бакӕсыны размӕ загътай, цӕмӕн дӕ фӕнды уыцы стих бакӕсын, уӕд-иу бамбарын кӕн, стихы сӕйраг ныхӕстӕ куыд баст сты, цы зӕгъын дӕ фӕнды, уыимӕ.

Стихыл куы ныхас кӕнай, уӕд-иу дӕ Библи ма сӕхгӕн. Афтӕмӕй хъусджытӕ уындзысты, дӕ ныхӕстӕ Библийы стихимӕ баст кӕй сты, уый.
Хуымӕтӕгӕй ӕмбарын кӕн. Сӕйраг хъуыдымӕ чи нӕ хауы, ахӕм лыстӕг хабӕрттӕ-иу ма дзур. Ахъуыды кӕн, хъусджытӕ темӕйы тыххӕй цы зонынц, ууыл. Стӕй-иу ахъуыды кӕн, цы ма сын хъӕуы радзурын, цӕмӕй сӕйраг хъуыды хуыздӕр бамбарой.