Раст ӕмӕ ӕууӕнчы аккаг цы у, уый дзур

Лукайы 1:3

НЫСАН: Ӕууӕнчы аккаг чи у, ахӕм бӕлвырдгӕнӕнтӕ ӕрхӕсс, цӕмӕй хъусджытӕ раст хъуыдымӕ ӕрцӕуой.

УЫЙ КУЫД ИС АРАЗӔН

• Ӕууӕнчы аккаг чи у, ахӕм ӕрмӕг ссар ӕмӕ дзы пайда кӕн. Дӕ ныхас Хуыцауы Ныхасыл араз ӕмӕ, гӕнӕн куы уа, уӕд-иу стихтӕ уырдыгӕй кӕс. Кӕд дӕ фӕнды, ахуыргӕндтӕ цы базыдтой, уый кӕнӕ цавӕрдӕр ног хабӕрттӕ радзурын, кӕнӕ ӕндӕр бӕлвырдгӕнӕн ӕрхӕссын, уӕд-иу рагацау сбӕлвырд кӕн, ӕууӕнчы аккаг у ӕви нӕ.

• Ӕрмӕгӕй раст пайда кӕн. Библийы стихтӕ ӕмбарын кӕн сӕ контекстмӕ гӕсгӕ, Библи уыцы темӕйы фӕдыл цы дзуры, уымӕ гӕсгӕ ӕмӕ сӕ нӕ публикациты «ӕууӕнкджын ӕмӕ зондджын цагъар» куыд ӕмбарын кӕны, уымӕ гӕсгӕ (Матф. 24:45). Кӕд дӕ искӕй ныхӕстӕ ӕрхӕссын фӕнды, уӕд сӕ хъуамӕ зӕгъай, уый сӕ куыд загъта, афтӕ.

• Хъусджыты хъуыды кӕнынмӕ разӕнгард кӕн. Стих кӕнӕ ӕндӕр ӕрмӕгӕй скъуыддзаг куы бакӕсай, уӕд-иу фарстаты фӕрцы кӕнӕ цӕвиттоны фӕрцы хъусджытӕн баххуыс кӕн раст хъуыдымӕ ӕрцӕуынӕн.