Хӕларзӕрдӕ у

Йесо куыд бакодта?

ВИДЕОРОЛИК: «Йесо куырм лӕджы сдзӕбӕх кодта»

1. Бакӕс ВИДЕОРОЛИКМӔ кӕнӕ бакӕс Иоанны 9:1–7. Уый фӕстӕ ахъуыды кӕн ацы фарстатыл:

1. а) Йесо фыццаг цы сарӕзта: куырм лӕджы уал дзӕбӕх скодта ӕви йын хорз хабар радзырдта? (Кӕс Иоанны 9:35–38.)

2. б) Дӕумӕ гӕсгӕ, уыцы лӕджы Йесомӕ байхъусын цӕмӕн бафӕндыд?

Йесойӕ цӕуыл ахуыр кӕнӕм?

2. Адӕймаг хорз хабармӕ хуыздӕр байхъусдзӕн, кӕй йыл тыхсӕм, уый куы уына, уӕд.

Йесойы фӕзм

3. Архай, адӕймаг цы уавӕры ис, уый бамбарыныл.

1. а) Ахъуыды кӕн: «Цы йӕ тыхсын кӕны? Цы йын баххуыс кӕнид ӕмӕ йӕ зӕрдӕмӕ цы фӕцӕуид?» Уый дын баххуыс кӕндзӕн, цӕмӕй адӕймагмӕ хӕларзӕрдӕдзинад равдисай.

2. б) Адӕймаг дын, йӕ зӕрдӕйы цы ис кӕнӕ цӕуыл тыхсы, уый тыххӕй куы дзура, уӕд-иу ӕм байхъус, ӕндӕр истӕуыл-иу дзурын ма райдай.

4. Ныхас кӕн фӕлмӕнӕй ӕмӕ бӕрӕг уӕд, кӕй йын аргъ кӕныс. Адӕймаджы зын куы ’мбарай ӕмӕ дӕ куы фӕнда, цӕмӕй йын баххуыс кӕнай, уӕд уый дӕ ныхасӕй бӕрӕг уыдзӕн. Дӕ ныхӕстыл хъуыды кӕн ӕмӕ, цы хъӕлӕсы уагӕй дзурыс, уымӕ дӕ хъус дар ӕмӕ йӕм хъыг чи фӕкӕса, ахӕм ныхӕстӕ ма дзур.

5. Ӕххуыс ын кӕн. Гӕнӕн куы уа, уӕд-иу адӕймагӕн баххуыс кӕн, цӕмӕй хъӕуа, уымӕй. Хӕларзӕрдӕ куы уай, уӕд дӕм адӕймаг хуыздӕр байхъусдзӕн.