Рӕстдзинад ивы адӕймаджы цард
ХУЫЦАУЫ тыххӕй цы фондз мӕнг ныхасы фӕдзурынц, уыдонӕй, ӕвӕццӕгӕн, искӕцы фехъуыстай кӕнӕ та дзы искӕцыйыл ӕууӕндгӕ дӕр кодтай. Фӕлӕ, чи зоны, нырма дызӕрдыг кӕныс, цӕуыл ӕууӕндыс, ууыл дӕ къух сисай ӕви нӕ, уӕлдайдӕр та, кӕд уыцы хъуыдыйыл рагӕй ӕууӕндыс, уӕд.
Ӕмӕ уым диссагӕй ницы ис. Иуӕй-иу динты разамонджыты нӕ фӕнды, цӕмӕй сын адӕм сӕ дины ахуырӕдтӕ Библиимӕ барой. Иннӕтӕ та сӕ дины ахуырӕдты мӕнгдзинад ӕмбӕхсынц ахӕм ныхӕстӕй, зӕгъгӕ, алкӕй бон дӕр нӕу Библи ӕмбарын. Фӕлӕ кӕд Чырыстийы ахуыргӕнинӕгтӕн сӕ фылдӕр хуымӕтӕг адӕм уыдысты ӕмӕ сӕм ахуырдзинад нӕ уыд, уӕддӕр сын цы амыдта, уый хорз ӕмбӕрстой (Хъуыддӕгтӕ 4:13).
Чи зоны та, цӕуыл ӕууӕндыс, уый раст у ӕви нӕ, уый сбӕлвырд кӕнын дӕ уый тыххӕй нӕ фӕнды, ӕмӕ дӕм афтӕ кӕсы, уый ууыл дзурӕг кӕй уыдзӕн, ӕмӕ дӕм фаг уырнындзинад нӕй. Фӕлӕ Библи кӕй иртасыс, уый Хуыцауы зӕрдӕмӕ цӕуылнӕ хъуамӕ фӕцӕуа, кӕд ӕмӕ нын ӕй йӕхӕдӕг радта, цӕмӕй йын куыд лӕггад кӕнын хъӕуы, уый базонӕм? Хуыцау нӕ йӕхӕдӕг разӕнгард кӕны йӕ Ныхас иртасынмӕ. Библийы фыст ис: «Цӕмӕй-иу бамбарат [«уӕхицӕн сбӕлвырд кӕнат», фиппаинаг], цы у Хуыцауы фӕндон: цы йӕм кӕсы хорз, цы йын у ӕхсызгон ӕмӕ цы у йӕ цӕсты ӕххӕст» (Ромӕгтӕм 12:2).
Хуыцауы тыххӕй рӕстдзинад куы базонай, уӕд ӕрмӕст дӕ зонындзинӕдтыл нӕ бафтдзӕн, фӕлӕ ма дӕ цард дӕр хуыздӕрырдӕм аивдзӕн (Иоанны 8:32). Фыццаг статьяйы цы Дианны кой кодтам, уый ныр фидарӕй зоны, йӕ дин Библимӕ гӕсгӕ раст кӕй у. Дианн дзуры: «Цалынмӕ Библи ахуыр кӕнын нӕ райдыдтон, уӕдмӕ мӕм Библи тынг зынӕмбарӕн каст. Фӕлӕ ныр базыдтон, Хуыцау, кӕмдӕр цыдӕр ис, зӕгъгӕ, кӕмӕй фӕзӕгъынц, ахӕм чидӕр кӕй нӕу, фӕлӕ кӕй у мӕ уӕларвон Фыд ӕмӕ мӕ бирӕ кӕй уарзы. Абон мӕ бон у зӕгъын, мӕ цардӕй райгонд кӕй дӕн».
Хуыцауы тыххӕй мӕнг хъуыдытыл хӕст куы уай, ӕмӕ афтӕмӕй Библи бамбарыныл куы архайай, уӕд уый абарӕн ис ахӕм хабаримӕ: ӕнӕзонгӕ бынатмӕ араст дӕ, кӕм ис, уый дын раст нӕ бамбарын кодтой, афтӕмӕй. Чи зоны, фыццаг размӕ ныфсджынӕй цыдтӕ, фӕлӕ йӕ стӕй бамбӕрстай, кӕй фӕдзӕгъӕл дӕ. Уӕдӕ дӕ кӕд фӕнды, цӕмӕй уыцы бынатмӕ бахӕццӕ уай, уӕд уал дӕ хъӕуы сбӕлвырд кӕнын, кӕм ис, уый ӕмӕ раст фӕндагыл ацӕуын.
Хуыцауы тыххӕй дӕ рӕстдзинад базонын фӕнды? Уӕд зӕгъ Йегъовӕйы Ӕвдисӕнтӕн кӕнӕ та ныффысс, ацы журналы 4 фарсыл цы адристӕ ис, уыдонӕй иуыл, цӕмӕй демӕ Библи ахуыр кӕнын райдайой.
[Хицӕнгонд текст 9 фарсыл]
Уӕхицӕн-иу сбӕлвырд кӕнут, «цы у Хуыцауы фӕндон: цы йӕм кӕсы хорз, цы йын у ӕхсызгон ӕмӕ цы у йӕ цӕсты ӕххӕст» (РОМӔГТӔМ 12:2).