Облӕстон конгресс нӕ разӕнгард кӕны Хуыцауимӕ цӕуынмӕ
Облӕстон конгрессы — «Цӕут Хуыцауимӕ» — азӕлд Иегъовӕйы бӕлвырд амынд: «Мӕнӕ фӕндаг, цӕут ыл»! (Ис. 30:21). Цы амындтӕ дзы фехъуыстам, уыдонмӕ гӕсгӕ куы цӕрӕм, уӕд куыд цӕуӕм, уый уындзыстӕм (Еф. 5:15). Цы базыдтам, ууыл куы хъуыды кӕнӕм, уӕд нын хъару дӕтдзӕн «ӕцӕгады цӕуынӕн» (3 Иоан. 3).
Ӕркӕс ацы фарстытӕм, стӕй конгрессы цы ныффыстай, уымӕ, цӕмӕй облӕстон конгрессы программӕ фӕлхат кӕнынмӕ цӕттӕ уай. Уый уыдзӕн Хъусын кӕныны фембӕлды 18 октябрӕй райдайгӕ къуырийы.
1. Кӕд Енох фӕлдурӕджджын рӕстӕджы цард, уӕддӕр йӕ бон Хуыцауимӕ цӕуын куыд уыд? (Дзут. 11:1, 5, 6; Иудӕ. 14, 15; «Ацы фӕлдурӕджджын рӕстӕджы Хуыцауимӕ цӕут»).
2. Лукайы 16:10 уынаффӕ нын царды кӕм фӕахъаз уыдзӕн? («„Гыццыл“ хъуыддӕгты ӕууӕнкджын дӕ?»).
3. а) Осийы 6—9 сӕртӕй ӕрхӕсс, Хуыцауимӕ цӕуынӕн нын чи ӕххуыс кӕны, ахӕм цыппар ахадгӕ хъуыдыйы (Ос. 6:6, 7; 7:14; 8:7). ӕ) Осийы 10—14 сӕртӕй ма нын цавӕр хъуыдытӕ баххуыс кӕндзысты Хуыцауимӕ цӕуынӕн? («Осийы пехуымпарад нын ӕххуыс кӕны Хуыцауимӕ цӕуынӕн», къорд раныхасы).
4. Чырыстон лӕг ӕмӕ усӕн сӕ бон цы у аразын, цӕмӕй се ’мкъайад фидардӕр уа? (Ӕмб. 12:4; Еф. 5:29; «„Хуыцау цы баиу кодта, уый“ ма ахицӕн кӕнут»).
5. Цӕмӕй бӕрӕг уыдзӕн, нӕ фембӕлдтӕн кӕй аргъ кӕнӕм? (Еккл. 5:1; Ис. 66:23; «Аргъ кӕнӕм нӕ фембӕлдтӕн — уыдон сты уаз»).
6. а) Нӕ хъусын кӕныны хъуыддагӕй нӕ цавӕр ӕртӕ ахсджиаг фӕзилӕныл хъӕуы ахъуыды кӕнын, цӕмӕй сбӕлвырд кӕнӕм, ӕцӕг нӕ бон цас у, уыйас аразӕм? (Ис. 52:7; Зах. 8:23; Маркы 6:34). ӕ) Брошюрӕ «Хорз хабар ӕппӕт адӕмтӕн» дӕ зӕрдӕмӕ цӕмӕй фӕцыд? («Хорз хабар ӕппӕт адӕмтӕн»; «Ӕххуыс кӕнӕм ӕндӕр ӕвзагыл дзурӕг адӕмӕн»).
7. Куыд баххуыс кӕнӕн ис ногтӕн Хуыцауы Паддзахады хабар уӕндонӕй хъусын кӕнынӕн? (Тӕрх. 7:17; «Баххуыс кӕнӕм бирӕтӕн, немӕ иумӕ куыд лӕггад кӕной»).
8. «Иегъовӕйы стыр бон хӕстӕг [кӕй] у», ууыл кӕй нӕ дызӕрдыг кӕнӕм, уый цӕмӕй бӕрӕг уыдзӕн? (Зах. 1:14; «Мах цӕуӕм уынынӕй нӕ, фӕлӕ уырнындзинадӕй»).
9. а) Искӕй фӕрӕдийын кӕнай ӕви дӕхӕдӕг фӕрӕдийай — уый цӕмӕ ӕркӕндзӕн? (Маркы 9:42—48). ӕ) Цы аразын хъӕуы, цӕмӕй ма фӕрӕдийӕм, ма фӕкӕлӕм? (Пс. 118:165). б) Куыд бахизӕм нӕхи, цӕмӕй фӕкӕлыны хос макӕмӕн суӕм? (1 Кор. 10:24; «„Фӕкӕлыны хос“ макӕмӕн суӕм»).
10. Дзырд цардӕмбал ссарыныл, нӕ ӕнӕниздзинадыл ӕмӕ ӕхцайыкуыстыл куы фӕцӕуы, уӕд уӕззау зондӕй куыд хъуамӕ архайӕм? (Пс. 25:4; Матф. 6:25; 1 Тим. 6:9; «Цырд лӕуут»).
11. а) Йесо-иу уазӕгуаты куы уыди, уыцы цаутӕй цӕуыл ахуыр кӕнӕм? (Лук. 10:42; 24:32). ӕ) Нӕ улӕфты рӕстӕг афтӕ куыд ӕрвитӕм, цӕмӕй махӕн дӕр ӕмӕ иннӕтӕн дӕр сӕ уӕнг рог уа? (1 Кор. 10:31—33; «Уӕнг чи рог кӕны, ахӕм хорз хъуыддӕгтӕ»).
12. 22 псаломмӕ гӕсгӕ мах — Иегъовӕйы фыстӕ — цавӕр арфӕдзинӕдтӕй хайджын стӕм ӕмӕ нӕ хӕс цы у? (1 Кор. 10:21; «Иегъовӕ — нӕ Фыййау»).
13. Фыстады уынаффӕ, «ӕмбӕлон рӕстӕг ӕлхӕнут уӕхицӕн», зӕгъгӕ, чырыстӕттӕ куыд ӕххӕст кӕнынц? (Еф. 5:16, НД; «Уӕхицӕн ӕмбӕлон рӕстӕг ӕлхӕнут»).
14. а) Раргомады 14:7 цы «тӕрхоны сахаты» кой цӕуы, уый цы у? ӕ) Стыр Вавилонимӕ нын иумӕйагӕй кӕй ницы ис, уый цӕмӕй бӕрӕг уыдзӕн? («„Ма бафынӕй ут“ — тӕрхоны сахат ӕрцыд»). б) Дӕ зӕрдӕмӕ цы фӕцыд брошюрӕ «Ма бафынӕй ут»-ӕй?
15. Цӕмӕй ма «ныууадзӕм раст фӕндаг», уымӕн нӕ ӕнӕмӕнг цавӕр ӕртӕ миниуӕджы хъӕуы? (2 Пет. 2:15; «Уӕхимӕ кӕсут, цӕмӕй ма „ныууадзат раст фӕндаг“»).
16. Ӕрыгӕттӕ сӕхи «фыдгӕнджыты фӕндагӕй» куыд хъуамӕ хизой? (Ӕмб. 4:14; «Ӕрыгӕттӕ, раст фӕндагыл цӕут»).
17. а) Павелы фидардзинад нын фӕзминаг цӕмӕн у? (Ап. к. 14:19, 20; 16:25—33). ӕ) Цӕуылнӕ хъӕуы тӕрсын раст дины ныхмӕ дзурджытӕй? (Драмӕ ӕмӕ раныхас «Кӕд ӕфхӕрд ӕййафӕм, уӕддӕр бӕстон хъусын кӕнӕм»).
18. Хуыцауимӕ чи цӕуы, уыдон цавӕр хӕрзтӕй сты хайджын? («Хуыцауимӕ цӕуын — амондджын фӕндаг абон ӕмӕ ӕнусты дӕр»).
Цӕй уӕдӕ лӕмбынӕг хъусӕм, нӕ фӕстӕ нын хъӕлӕс цы дзуры, уымӕ, цӕмӕй нӕ уӕларвон Фыдимӕ цӕуӕм ӕнустӕм! (Ис. 30:21; Иоан. 3:36).