Аудиозаписьтӕй куыд ис пайда кӕнӕн
1. Мыхуыргонд публикацитӕй уӕлдай ма нын пайда цавӕр мадзал хӕссы?
1 Бирӕтӕ уарзынц нӕ сайты, зӕрдӕйӕн ӕхсызгон чи у ӕмӕ ӕцӕг чи у, ахӕм ныхӕстӕ, ома рӕстдзинады ныхӕстӕ, кӕсын (Еккл. 12:10). Фӕлӕ нӕ аудиозаписьтӕй та цы ис зӕгъӕн? Фӕпайда сӕ кӕнут? Нӕ сайты бирӕ ӕрмӕг ис, ӕмӕ аудиозаписьты фӕрцы нӕ бон у бирӕ цӕмӕдӕрты хъусын. Цавӕр пайда нын хӕссынц?
2. Библи нӕхӕдӕг кӕнӕ нӕ бинонтимӕ куы ахуыр кӕнӕм, уӕд нӕ бон куыд у аудиозаписьтӕй пайда кӕнын?
2 Библи нӕхӕдӕг кӕнӕ нӕ бинонтимӕ куы фӕахуыр кӕнӕм. Искуыдӕм балцы цӕугӕйӕ кӕнӕ алы боны хъуыддӕгтӕ аразгӕйӕ Библийы, брошюрӕты ӕмӕ ӕндӕр публикациты аудиозаписьтӕм куы хъусӕм, уӕд нӕ рӕстӕгӕй, хуыздӕр куыд у, афтӕ пайда кӕндзыстӕм (Еф. 5:15, 16). Цӕмӕй-иу нӕ бинонты ахуыр алы хатт уыцы иухуызон ма уа, уый тыххӕй нӕ бон у аудиозаписьмӕ хъусын ӕмӕ уыцы иу рӕстӕг мыхуыргонд публикацимӕ дӕр кӕсын. Библи нӕхӕдӕг куы ахуыр кӕнӕм, уыцы рӕстӕг аудиозаписьтӕм куы хъусӕм, уӕд нын уый баххуыс кӕндзӕн хуыздӕр кӕсынӕн кӕнӕ та ӕндӕр ӕвзаг ахуыр кӕнынӕн.
3. Нӕ территорийы цӕрӕг адӕмӕй аудиозаписьтӕ кӕмӕн фӕпайда уыдзысты?
3 Уацамынды куы вӕййӕм. Кӕд нӕ территорийы, нӕ публикацитӕ кӕсынӕн рӕстӕг ӕппындӕр кӕмӕн нӕй, ахӕм адӕм цӕры, уӕд сӕ, чи зоны, бафӕнда аудиозаписьтӕм хъусын. Кӕнӕ та, чи зоны, сӕмбӕлӕм, ӕндӕр ӕвзагыл чи дзуры, ахӕм адӕмыл, ӕмӕ, гӕнӕн ис, хорз хабармӕ хуыздӕр байхъусой, сӕ «мадӕлон ӕвзагыл» ӕй куы фехъусой, уӕд (Хъуыд. 2:6–8). Иуӕй-иу адӕмыхӕттытӕм тынг ахсджиаг у, цӕмӕй кӕстӕртӕ, хистӕртӕ сын цы хабӕрттӕ фӕдзурынц, уыдонмӕ хъусой. Зӕгъӕм, хмонг чи хуыйны, уыцы адӕмыхатмӕ ахӕм ӕгъдау ис, ӕмӕ хистӕртӕ кӕстӕр фӕлтӕрӕн сӕ адӕмы истори радзурынц, ӕмӕ сӕ уыдон дӕр хорз бахъуыды кӕнынц. Африкӕйы адӕмыхӕттытӕй дӕр бирӕтӕ тынг уарзынц, хистӕртӕ сын цы хабӕрттӕ фӕдзурынц, уыдонмӕ хъусын.
4. Цӕмӕй нӕ территорийы цӕрӕг адӕмӕн баххуыс кӕнӕм, уый тыххӕй цавӕр фарстатыл хъуамӕ ахъуыды кӕнӕм?
4 Уӕ территорийы цӕрӕг адӕмӕй аудиозаписьтӕ сӕ мадӕлон ӕвзагыл исты пайда фӕуыдзысты? Нӕ публикациты аудиозаписьтӕ искӕмӕн Интернеты уылты куы арвитӕм, уӕд ын цымӕ исты пайда фӕуыдзысты? Фылдӕр базонын кӕй фӕнды, уымӕн нӕ бон нӕ уаид публикациты аудиозаписьтӕ компакт-дискмӕ рафыссын ӕмӕ йын сӕ мыхуыргонд публикацитимӕ раттын? Интернеты уылты адӕймагӕн ӕнӕхъӕн чиныг, брошюрӕ, журнал кӕнӕ буклет куы арвитай, уӕд уый фыссӕн ис уацамындон хыгъды. Уӕдӕ аудиозаписьтӕй нӕ бон у пайда кӕнын, цӕмӕй нӕхӕдӕг дӕр Библи ахуыр кӕнӕм ӕмӕ рӕстдзинады мыггаг дӕр тауӕм (1 Кор. 3:6).