Библи афтӕ ахуыр кӕн, цӕмӕй дын фылдӕр пайда хӕсса

УЫЙ АХСДЖИАГ ЦӔМӔН У. Библи куы иртасӕм, уӕд нӕ «бон кӕронмӕ бамбарын уыдзӕн, цы у рӕстдзинадӕн йӕ уӕрх ӕмӕ йӕ дӕргъ, йӕ бӕрзӕнд ӕмӕ йӕ арф» (Еф 3:18). Уый фӕрцы ма ацы фыддунейы уыдзыстӕм ӕнаипп ӕмӕ сыгъдӕг ӕмӕ нӕ бон уыдзӕн «царды дзырдыл фидар хӕцын» (Фп 2:15, 16). Нӕхӕдӕг Библи куы фӕахуыр кӕнӕм, уӕд нӕ бон вӕййы равзарын, фылдӕр пайда нын чи фӕуыдзӕн, ахӕм ӕрмӕг. Библи кӕсынӕн ӕмӕ ахуыр кӕнынӕн цы рӕстӕг рахицӕн кӕнӕм, уымӕй, хуыздӕр куыд у, афтӕ пайда кӕнын нӕ бон куыд у?

УЫЙ КУЫД ИС АРАЗӔН:

• Планшеты кӕнӕ-иу дӕ смартфоны Библийы стихтӕ рахицӕн кӕн ӕмӕ-иу дзы дӕ хъуыдытӕ фӕнысан кӕн.

• Библи кӕсгӕйӕ-иу дӕхимӕ ахӕм фарстатӕ ратт: чи? цы? кӕд? кӕм? цӕмӕн? куыд?

• Фылдӕр базоныныл-иу архай. Библи иртасынӕн нын цы кусӕнгӕрзтӕ ис, уыдоны фӕрцы-иу ӕрмӕг агур темӕтӕм кӕнӕ стихтӕм гӕсгӕ.

• Ахъуыды-иу кӕн, цы бакӕсыс, уымӕ гӕсгӕ дӕ бон куыд у архайын.

• Цы базоныс, уымӕ гӕсгӕ-иу архай (Лк 6:47, 48).

БАКӔС ВИДЕОРОЛИКМӔ «ДАРДДӔР ДӔР „ЦАРДЫ ДЗЫРДЫЛ ФИДАР ХӔЦУТ“. БИБЛИ ЛӔМБЫНӔГ ИРТАСУТ» ӔМӔ УЫЙ ФӔСТӔ ДЗУАПП РАТТ АЦЫ ФАРСТАТӔН:

• Хотӕ ӕмӕ ’фсымӕртӕ Библи иртасыны тыххӕй цы дзурынц?

• Библи иртасыны размӕ-иу цӕмӕн хъуамӕ скувӕм?

• Цы нын баххуыс кӕндзӕн, цӕмӕй-иу Библийӕ цавӕрдӕр скъуыддзаг хуыздӕр бамбарӕм?

• Библи иртасгӕйӕ нӕ бон куыд у цавӕрдӕр хъуыдытӕ фӕнысан кӕнын?

• Хуыцауы Ныхас иртасгӕйӕ арф хъуыды кӕнын ахсджиаг цӕмӕн у?

• Цы базонӕм, уымӕ гӕсгӕ цӕмӕн хъуамӕ архайӕм?