Нӕ зарджытӕй цӕуыл ахуыр кӕныс?

Нӕ интернет-телеуынынады ӕдзухдӕр фӕзыны ног зарджытӕ. Дӕ зӕрдӕмӕ дзы кӕцытӕ цӕуынц? Цӕмӕн? Куыд хъуыды кӕныс, зарджытӕ кӕм вӕййынц, уыцы видеороликты ӕрвылбоны царды хабӕрттӕ ӕвдыст нӕ вӕййынц? Зарджытӕн сӕ музыкӕ ӕмӕ сӕ темӕтӕ алы ӕмӕ алыхуызон кӕй вӕййынц, уымӕ гӕсгӕ алчидӕр ссардзӕн, йӕ зӕрдӕмӕ дзы чи фӕцӕуа, ахӕм. Фӕлӕ уыцы зарджытӕ ӕмӕ нӕ музыкалон видеороликтӕ ӕрмӕст хи аирхӕфсынӕн не сты.

Алы зарӕг дӕр нӕ ахуыр кӕны, нӕ чырыстон царды ӕмӕ нын нӕ лӕггады чи баххуыс кӕндзӕн, ахӕм хъуыддӕгтыл. Зарджытӕ сты, зӕгъӕм, уазӕгуарзондзинадыл, иудзинадыл, хӕлардзинадыл, хъӕбатырдзинадыл, уарзондзинадыл ӕмӕ уырнындзинадыл. Иннӕтӕ та сты, зӕгъӕм, адӕймаг Йегъовӕмӕ куыд ӕрбаздӕхы, иннӕтӕн куыд хатыр кӕны, алы бон дӕр иузӕрдиондзинад куыд ӕвдисы ӕмӕ йӕ разы нысӕнттӕ куыд сӕвӕры, ууыл. Суанг ма ахӕм зарӕг дӕр ис, ӕмӕ нӕ ахуыр кӕны телефонӕй ӕмбаргӕйӕ пайда кӕнын. Нӕ зарджытӕй ма ноджыдӕр цӕуыл ахуыр кӕныс?

БАКӔС, ЗАРӔГ КӔМ ИС, УЫЦЫ ВИДЕОРОЛИКМӔ «ДЗӔНӔТ КЪӔСӔРЫЛ ИС» ӔМӔ ДЗУАПП РАТТ АЦЫ ФАРСТАТӔН:

• Ацӕргӕ лӕг ӕмӕ ус фидӕны арфӕдзинӕдтӕй кӕцытыл хъуыды кӕнынц? (Рд 12:3).

• Нӕ бон цы у аразын, цӕмӕй нӕ ноджы тынгдӕр уырна, Йегъовӕ йӕ зӕрдӕвӕрдтӕ ӕнӕмӕнг кӕй сӕххӕст кӕндзӕн?

• Тагъд рӕстӕджы дзӕнӕты цавӕр цины хабар ӕрцӕудзӕн?

• Хуыцауы Паддзахад нын цы ныфс дӕтты, уый нын куыд ӕххуыс кӕны нӕ зындзинӕдтӕ сфӕразынӕн? (Ро 8:25).