Фидар лӕуу, кӕрон хӕстӕг у

УЫЙ АХСДЖИАГ ЦӔМӔН У. Тагъд райдайдзысты цӕуын тасӕфтауӕг хабӕрттӕ. Ӕмӕ нӕ уӕд хъӕбатырдзинад ӕмӕ нӕ ныфс Йегъовӕйыл дарын куыд хъӕудзӕн, афтӕ никуы. Стыр бӕллӕх райдайдзӕн, мӕнг динтӕ сӕфт кӕй ӕрцӕудзысты, уымӕй (Мф 24:21; Рар 17:16, 17). Уыцы змӕст рӕстӕг мах, ӕвӕццӕгӕн, хъусын кӕндзыстӕм карз хабар – тӕрхоны хабар (Рар 16:21). Стӕй нӕ ныхмӕ рацӕудзӕн, Магогы зӕххӕй чи у, уыцы Гог (Йез 38:10–12, 14–16). Ӕмӕ уӕд Йегъовӕ архайын райдайдзӕн. Уӕд райдайдзӕн, «Ӕппӕтхъомысджын Хуыцауы стыр боны чи уыдзӕн, уыцы хӕст» (Рар 16:14, 16). Цӕмӕй уыцы хабӕртты рӕстӕг хъӕбатыр уӕм, уый тыххӕй хъуамӕ абон дӕр фӕлварӕнты рӕстӕг фидар лӕууӕм.

УЫЙ КУЫД ИС АРАЗӔН:

• Йегъовӕйы закъӕттӕ ӕмӕ уагӕвӕрдтӕм гӕсгӕ цӕр (Ис 5:20).

• Дарддӕр дӕр хотӕ ӕмӕ ӕфсымӕртимӕ иумӕ Хуыцауӕн лӕггад кӕн (Дзт 10:24, 25).

• Йегъовӕйы организаци нын цы разамынд дӕтты, уымӕ хъус (Дзт 13:17).

• Йегъовӕ раджы заманты йӕ адӕмы куыд ирвӕзын кодта, ууыл хъуыды кӕн (2Пт 2:9).

• Йегъовӕмӕ кув ӕмӕ йыл дӕ зӕрдӕ дар (Пс 112:7, 8).

БАКӔС ВИДЕОРОЛИКМӔ «ФИДӔНЫ ЧИ ’РЦӔУДЗӔН ӔМӔ ХЪӔБАТЫРДЗИНАД КӔМ БАХЪӔУДЗӔН, УЫЦЫ ХАБӔРТТӔ» (СКЪУЫДДЗАГ) ӔМӔ ДЗУАПП РАТТ АЦЫ ФАРСТАТӔН:

• 

  Ӕмбырды ивындзинӕдтӕ куы ’рцыд, уӕд хъусынгӕнджытӕ уымӕ цы цӕстӕй ракастысты ӕмӕ иуӕй-иутӕн зын цӕмӕн уыд коммӕгӕсдзинад равдисын?

• 

  Хъӕбатырдзинад ӕмӕ коммӕгӕсдзинад куыд баст сты?

• 

  Армагеддон куы райдайа, уӕд нӕ хъӕбатырдзинад цӕмӕн хъӕудзӕн?

• 

  Библийӕ нын цавӕр хабар баххуыс кӕндзӕн, цӕмӕй нӕ фидарӕй уырна, Йегъовӕйӕн йӕ бон кӕй у мах фервӕзын кӕнын? (2Аз 20:1–24).