Къӕрцхъус у, цӕмӕй ӕрымысгӕ хабӕрттӕ парахат кӕнын ма райдайай

Абон цавӕрдӕр хабар апарахат кӕнӕн ис радио, телевизор, интернет ӕмӕ газеты фӕрцы, ӕмӕ йӕ милуангай адӕм тагъд базонынц. «Рӕстдзинады Хуыцауӕн» чи лӕггад кӕны, уыдоны нӕ фӕнды мӕнг хабӕрттӕ парахат кӕнын, суанг ӕнӕрхъуыдыйӕ дӕр (Пс 31:5; Рц 23:1). Ӕрымысгӕ хабӕрттӕ иннӕтӕн куы дзурай, уӕд уый, гӕнӕн ис, стыр зиан ӕрхӕсса. Цавӕрдӕр хабар ӕцӕг у ӕви нӕ, уый сбӕрӕг кӕныны тыххӕй ахъуыды кӕн:

• «Ацы хабар мын чи радзырдта, уыцы адӕймагыл ӕууӕнк ис?» Уыцы адӕймаг, гӕнӕн ис, ма зона, хабар ӕцӕгӕй куыд уыд, уый. Адӕм кӕрӕдзийӕн цавӕрдӕр хабӕрттӕ куы фӕдзурынц, уӕд дзы ӕппынфӕстаг цыдӕртӕ фӕивы. Уӕдӕ бӕлвырд куы нӕ зонай, хабар чи радзырдта, уӕд-иу ӕй фӕлтау макӕмӕн радзур. Ӕмбырды кадджын хӕстӕ кӕмӕн ис, уыдоныл иннӕтӕ кӕй ӕууӕндынц, уымӕ гӕсгӕ уыдон хъуамӕ уӕлдай лӕмбынӕг уой ӕмӕ, кӕй не сбӕрӕг кӕной, ахӕм хабӕрттӕ ма дзурой.

• «Мыййаг, чидӕр барӕй мӕнг ныхӕстӕ нӕ кӕны?» Кӕд уыцы хабары тыххӕй кӕйдӕр ном фӕчъизи уыдзӕн, уӕд ӕй иннӕтӕн дзурын нӕ хъӕуы (Ӕм 18:8; Фп 4:8).

• «Ахӕм хабар ӕрцӕуа, уымӕн гӕнӕн ис?» Дисы чи ӕфтауы, ахӕм хабар куы фехъусай, уӕд-иу лӕмбынӕг у ӕмӕ-иу ӕй иннӕтӕн дзурынмӕ ма фӕу.

БАКӔС ВИДЕОРОЛИКМӔ «ИННӔТЫ КОЙ МА КӔН!» ӔМӔ ДЗУАПП РАТТ АЦЫ ФАРСТАТӔН:

• 

  Ӕмбисӕндты 12:18 стихмӕ гӕсгӕ, адӕймаджы ныхӕстӕ хатт цавӕр зиан ӕрхӕссынц?

• 

  Филиппӕгтӕм 2:4 стих нын куыд баххуыс кӕндзӕн, цӕмӕй ӕмбаргӕ уӕм, иннӕты тыххӕй исты дзурынмӕ куы хъавӕм, уӕд?

• 

  Иннӕтӕй хынджылӕг кӕнын кӕнӕ ӕвзӕр цыдӕртӕ дзурын куы райдайынц, уӕд-иу куыд хъуамӕ бакӕнӕм?

• 

  Цалынмӕ искӕй кой кӕнын райдайӕм, уӕдмӕ цавӕр фарстатыл хъуамӕ ахъуыды кӕнӕм?