ХУЫЦАУЫ НЫХАСЫ ХӔЗНАТӔ | ЛЕВИТ 1–3
Йегъовӕйӕн кувинӕгтӕ цӕмӕн хастой?
Израилӕгтӕ Моисейы закъонмӕ гӕсгӕ цы нывӕндтӕ ӕмӕ кувинӕгтӕ хастой, уыдон Йегъовӕйӕн уыдысты ӕхсызгон. Уыдон амыдтой Чырыстийы нывондмӕ ӕмӕ, уыцы нывонды фӕрцы адӕм цы арфӕдзинӕдтӕй схайджын уыдаиккой, уыдонмӕ (Дзт 8:3–5; 9:9; 10:5–10).
Нывондӕн-иу кӕй хастой, уыцы фос-иу хъуамӕ уыдаид ӕнӕсахъат ӕмӕ ӕнаипп. Афтӕ Йесо дӕр нывондӕн ӕрхаста йе ’ххӕст, ӕнаипп буар (1Пт 1:18, 19).
Судзинаг нывӕндтӕ-иу Хуыцауӕн ӕнӕхъӕнӕй куыд хастой, афтӕ Йесо дӕр Йегъовӕйӕн йӕхи нывондӕн ӕнӕхъӕнӕй ӕрхаста.
Йегъовӕйы зӕрдӕмӕ чи цыд, ахӕм фарны нывӕндтӕ чи хаста, уыдон-иу Хуыцауимӕ фӕрнӕй цардысты. Афтӕ сӕрст чырыстӕттӕ дӕр – Хицауы ӕхсӕвӕры нысӕнттӕй чи саходы, уыдон – Хуыцауимӕ фӕрнӕй цӕрынц.