ХУЫЦАУЫ НЫХАСЫ ХӔЗНАТӔ

Йегъовӕ йӕ адӕмӕн скодта бӕлвырд фӕтк ӕмӕ ӕгъдау

[Равдис видеоролик «Разныхас Нымӕцты чиныгмӕ».]

Израилӕгтӕ-иу сӕ цатыртӕ ӕрӕвӕрдтой се ’фсӕдты къордтӕм гӕсгӕ – алы къорды дӕр ӕртӕ мыггаджы (Нм 1:52, 53; w94-U 1/12 9 ф., 4 абз.).

Израилӕгтӕ ӕдӕппӕтӕй уыдаиккой 3 000 000 кӕнӕ фылдӕр (Нм 2:32, 33; it-U «Лагерь», дӕлсӕргонд «Израильский лагерь», 4 абз.).

Йегъовӕйы фӕнды, цӕмӕй йын йӕ адӕм лӕггад кӕной, цы фӕтк ӕмӕ сын ӕгъдау скодта, уымӕ гӕсгӕ. Афтӕ уыд рагон Израилы рӕстӕг дӕр ӕмӕ афтӕ у абон дӕр (1Кр 14:33, 40).

Израилӕгты цатыртӕ куыд ӕвӕрд уыдысты (уӕлейӕ кӕсгӕйӕ). Ӕмбырды цатыр ис астӕуӕй. Цатырмӕ ӕппӕты ӕввахсдӕр сты Левийы мыггаджы хӕдзарвӕндӕгтӕ: Ааронӕй рацӕугӕ хӕдзарвӕндӕгтӕ – скӕсӕнварс, Каафӕй рацӕугӕ хӕдзарвӕндӕгтӕ – хуссарварс, Гирсонӕй рацӕугӕ хӕдзарвӕндӕгтӕ – ныгуылӕнварс, Мерарийӕ рацӕугӕ хӕдзарвӕндӕгтӕ – цӕгатварс. Израилы 12 мыггаджы цатыртӕ та ӕвӕрд сты дарддӕр. Иссахар, Иудӕ ӕмӕ Завулоны мыггӕгты цатыртӕ – скӕсӕнварс. Гад, Рувим ӕмӕ Симеоны мыггӕгты цатыртӕ – хуссарварс. Вениамин, Ефрем ӕмӕ Манассийы мыггӕгты цатыртӕ – ныгуылӕнварс. Неффалим, Дан ӕмӕ Асиры мыггӕгты цатыртӕ – цӕгатварс

АХЪУЫДЫ КӔН: «Мӕ бон куыд у равдисын, Йегъовӕйы организацийы фарс кӕй дӕн?»