НӔ ЧЫРЫСТОН ЦАРД

Уырнӕг чи нӕу, уыдонӕн ӕххуыс кӕнӕм Сфӕлдисӕджы базонынӕн

Искуы дын афтӕ уыди, ӕмӕ уырнӕг чи нӕу, ахӕм адӕймагӕн хорз хабары кой не скодтай, уымӕн ӕмӕ ахъуыды кодтай, зӕгъгӕ мӕм уӕддӕр нӕ байхъусдзӕн? Кӕд о, уӕд дӕ зӕрдыл дар: уырнӕг чи нӕу, уыдонӕй бирӕтӕ, суанг атеисттӕй дӕр чидӕртӕ, свӕййынц Йегъовӕйы Ӕвдисӕнтӕ. Арӕхдӕр сын фӕхъӕуы гыццыл баххуыс кӕнын – семӕ аныхас кӕнын, Хуыцау кӕй ис, уымӕн цы бӕлвырдгӕнӕнтӕ ис, уыдоныл (Ро 1:20; 10:14).

БАКӔС ВИДЕОРОЛИКМӔ «РОХ УӔ МА УӔД: ӔНӔУЫРНӔГ АДӔММӔ ДӔР ФӔЗЫНЫ УЫРНЫНДЗИНАД! ДИНЫЛ ХӔСТ ЧИ НӔУ, УЫДОН» ӔМӔ ДЗУАПП РАТТ АЦЫ ФАРСТАЙӔН

Томмазойы хабарӕй куыд у бӕрӕг, уырнӕг чи нӕу, уыдонӕн дӕр кӕй хъӕуы хъусын кӕнын?

Дӕ дзуапп

Хуыцауыл чи не ’ууӕнды, уыдонимӕ куыд ис ныхас кӕнӕн?

Адӕймаг дын афтӕ куы зӕгъа, ӕмӕ йӕ Хуыцау нӕ уырны, уӕд-иу йемӕ ныхас кӕн фӕлмӕнӕй ӕмӕ уӕзданӕй, стӕй-иу ӕм лӕмбынӕг байхъус (2Тм 2:24). Йемӕ аныхас кӕн, цымыдисаг ӕм цы кӕса, ахӕм истӕуыл. Чи зоны, адӕймаджы бафӕнда, Хуыцау кӕй ис, ууыл бирӕтӕ кӕй фӕрцы баууӕндыдысты, ахӕм бӕлвырдгӕнӕнтыл аныхас кӕнын. Уӕд-иу спайда кӕн, нӕ публикацитӕй ӕмӕ нӕ видеороликтӕй ууыл дзырд кӕм цӕуы, уыдонӕй искӕцыйӕ. Нӕ лӕггадӕн нӕм цы сӕйраг кусӕнгӕрзтӕ ис, уыдонмӕ хаст ӕрцыдысты брошюрӕтӕ «Была ли жизнь создана?» ӕмӕ «У истоков жизни. Пять вопросов, которые требуют ответа». Ныр сӕ приложенийы JW Library^® ӕнцонтӕй ис ссарӕн.

Чи зоны, фыццаг дӕ ныфс ма хӕссай, Хуыцауыл чи не ’ууӕнды, ахӕм адӕймагимӕ рӕстдзинады тыххӕй ныхас кӕнынмӕ. Фӕлӕ дӕ бон у фӕлтӕрдджын хъусынгӕнӕгӕй ӕххуыс ракурын. Стӕй дӕ зӕрдыл дар: Йегъовӕ нын баххуыс кӕны, «ӕнусон царды фӕндагыл цӕуын кӕй фӕнды», уыдоны зӕрдӕтӕм фӕндаг ссарынӕн, кӕд фыццаг Хуыцауыл нӕ феууӕндынц, уӕддӕр (Хъд 13:48).