Алчидӕр бӕллы амондджын фидӕнмӕ

Фӕлӕ бирӕтӕ дызӕрдыг кӕнынц, ахӕм фидӕн сӕ къухы кӕй бафтдзӕн. Цымӕ цӕмӕн? Уымӕн ӕмӕ йӕ уынынц, ӕнӕнхъӕлӕджы кӕй ӕрцӕуы бирӕ ӕвзӕр хабӕрттӕ, зӕгъӕм, коронавирусы пандемийӕ. Ӕмӕ уыдоны аххосӕй адӕмӕн сӕ цард фӕивы, ӕнӕ ницӕмӕй аззайынц, бирӕтӕ та суанг мӕлгӕ дӕр акӕнынц. Уыдӕтты тыххӕй адӕммӕ афтӕ фӕкӕсы, ӕмӕ сӕм фидӕны хорзӕй ницы ӕнхъӕлмӕ кӕсы.

Адӕм, сомбон сӕм цы ’нхъӕлмӕ кӕсы, уый кӕй нӕ зонынц, уымӕ гӕсгӕ фӕагурынц, амондджын фидӕнмӕ сӕ чи ӕркӕндзӕн, ахӕм мадзӕлттӕ. Иуӕй-иутӕ афтӕ хъуыды кӕнынц, ӕмӕ сӕ фидӕн амондӕй кӕнгӕ у. Бирӕтӕм та афтӕ кӕсы, ӕмӕ уӕлдӕр ахуырад ӕмӕ хъӕздыгдзинады фӕрцы сӕ къухы бафтдзӕн, цӕмӕ бӕллынц, уый. Иннӕты хъуыдымӕ гӕсгӕ та, адӕймаг хорз хъуыддӕгтӕ куы араза, уӕд уый фаг у, цӕмӕй йӕ цард хорз ацӕуа.

Ацы хъуыддӕгтӕй дын цымӕ искӕцы баххуыс кӕндзӕн, цӕмӕй рухс фидӕн фенай? Цӕмӕй ацы фарстайӕн дзуапп базонай, уый тыххӕй, дӕлдӕр цы фарстатӕ ис, уыдоныл ахъуыды кӕн.

• Дӕ фидӕн ӕцӕгдӕр цӕмӕй кӕнгӕ у?

• Уӕлдӕр ахуырады ӕмӕ ӕхцайы фӕрцы дӕ цард фӕхуыздӕр уыдзӕн?

• Хорз хъуыддӕгтӕ аразын фаг у, цӕмӕй рухс фидӕн фенай?

• Рухс фидӕнмӕ фӕндаг ссарӕн куыд ис, уый кӕцӕй ис базонӕн?

Ацы журнал дын баххуыс кӕндзӕн, цӕмӕй ацы фарстатӕн дзуаппытӕ базонай.