Архай, цӕмӕй-иу Библи иртасгӕйӕ ног цыдӕртӕ базонай

Хорз уаид, Библи иртасыны размӕ-иу куы ахъуыды кӕниккам: «Цымӕ ацы ӕрмӕгӕй цы базондзынӕн?» Ӕмӕ кӕд мах иу цыдӕр базонын ӕнхъӕл стӕм, уӕддӕр уый ууыл дзурӕг нӕу, ӕмӕ нын Йегъовӕ ӕндӕр цыдӕртӕ нӕ бацамондзӕн. Цы дын баххуыс кӕндзӕн, цӕмӕй-иу Библи иртасгӕйӕ ног цыдӕртӕ базонай?

Йегъовӕйӕ зонд кур. Йегъовӕмӕ кув, цӕмӕй бамбарай, ныртӕккӕ дын цы зӕгъинаг у, уый (Иак. 1:5). Цы фарста иртасыс, уый тыххӕй кӕд бирӕ цыдӕртӕ зоныс, уӕддӕр афтӕ ма хъуыды кӕн, ӕмӕ ногӕй ницыуал базондзынӕ (Ӕмб. 3:5, 6).

Рох дӕ ма уӕд, Библийы стыр тых кӕй ис. «Хуыцауы ныхас у удӕгас» (Дзут. 4:12). Библи куы фӕкӕсӕм, уӕд дзы алы хатт дӕр нӕ бон вӕййы ног цыдӕр базонын ӕмӕ нын нӕ уавӕры цы баххуыс кӕндзӕн, уый фенын. Фӕлӕ уый тыххӕй хъуамӕ ӕмбарӕм, алцы кӕй нӕ зонӕм, ӕмӕ цӕттӕ уӕм ног цӕуылдӕрты ахуыр кӕнынмӕ.

Йегъовӕйы фынгыл цыдӕриддӕр ис, уыдӕтты тыххӕй бузныг у. Йегъовӕ нын нӕ уырнындзинад фидар кӕнынӕн цы дӕтты, уыдӕттӕ абарӕн ис «дзаджджын хӕринӕгтимӕ» (Ис. 25:6). Кӕд дӕм афтӕ кӕсы, ӕмӕ кӕцыдӕр «хӕринӕгтӕ», ома темӕтӕ, дӕ зӕрдӕмӕ нӕ фӕцӕудзысты, уӕддӕр-иу сӕ фӕрсты ма ацу. Уӕд дын Хуыцау ӕххуыс кӕндзӕн, цӕмӕй хуыздӕрырдӕм ивай, стӕй дын Библи иртасын циндзинад хӕсдзӕн!