СЬЕРРА-ЛЕОНЕ ӔМӔ ГВИНЕЙ
Нӕ фидар фӕнд уыди Йегъовӕйӕн лӕггад кӕнын
Филип Тенгве
РАЙГУЫРД: 1966 азы.
ДОНАРГЪУЫД РАЙСТА: 1997 азы.
ЙӔ ХАБӔРТТӔ ЦЫБЫРТӔЙ: ӕндӕр бӕстӕмӕ лидзинаг фӕци, баххуыс кодта фондз Паддзахады залы саразынӕн.
1991 азы Сьерра-Леонейы нӕ райгуырӕн горӕт Коиндумӕ змӕнтджытӕ куы бабырстой, уӕд нӕ мӕ цардӕмбал Саттаимӕ нӕ цард бахъахъхъӕныны тыххӕй лидзын бахъуыд. Уый фӕстӕ аст азы дӕргъы цардыстӕм алыхуызон лагерты. Бирӕ цыдӕртӕ сфӕрӕзтам: хӕринагхъуаг ӕййӕфтам, алыхуызон низтӕй рынчын кодтам. Тыхстыстӕм ма, лагерты нӕ алыварс адӕм цы ӕнӕгъдау митӕ кодтой, уымӕй дӕр.
Алы лагеры дӕр-иу хицӕуттӕй бар ракуырдтам, цӕмӕй-иу нын Паддзахады зал саразынӕн зӕхх радтаиккой. Кӕмдӕр-иу нын сразы сты, кӕмдӕр та – нӕ. Куыдфӕнды ма уыдаид, уӕддӕр-иу ӕмбырдтӕ уадзынӕн алы хатт дӕр бынат ссардтам. Махӕн нӕ фидар фӕнд уыди Йегъовӕйӕн лӕггад кӕнын. Ӕппынфӕстаг, лагерты сарӕзтам цыппар Паддзахады залы.
Хӕст куы фӕци, уӕд нӕ бон нӕ уыд фӕстӕмӕ нӕ хӕдзармӕ аздӕхын. Бирӕ азты дӕргъы цы хӕст цыди, уый Коинду ӕдзӕрӕг быдыр фестын кодта. Уымӕ гӕсгӕ нӕ Бомӕ хӕстӕг ӕндӕр лагермӕ арвыстой. Уым филиалы ӕххуысӕй сарӕзтам фӕндзӕм Паддзахады зал.