Нӕ интернет-телеуынынады фӕрцы «нӕ хъарутыл хъарутӕ бафты»

2014 азы фӕзынд нӕ интернет-телеуынынад, ӕмӕ йӕм ӕнӕхъӕн зӕххыл чи фӕкӕсы, уыдоны ныфс бауадзы ӕмӕ сын сӕ уырнындзинад бафидар кӕны. Нӕ телеуынынад ис 90 ӕвзагӕй фылдӕрыл. Зӕгъӕм, программӕтӕ ныр тӕлмац кӕнынц эве, га ӕмӕ тви ӕвзӕгтӕм (кӕс нывмӕ). Уыцы ӕвзӕгтыл сӕм фӕкӕсы 130 000 хъусынгӕнӕгӕй фылдӕр Бенины, Кот-д’Ивуары, Ганӕйы ӕмӕ Тогойы.

Ганӕйы иу районон цӕстдарӕджы бинойнаг, Агатӕ, загъта: «Разамонӕг советы ӕфсымӕртӕ ӕмӕ сын чи феххуыс кӕны, уыдонмӕ куы фӕхъусын, уӕд мӕм афтӕ фӕкӕсы, цыма мӕ къомнӕты бадынц ӕмӕ мемӕ ныхас кӕнынц. Нӕ телеуынынад нын куы нӕ уыдаид, уӕд кӕмдӕр зӕххы кӕрон мӕн хуызӕн мӕгуыр чызгмӕ ахӕм кад никуы ӕрхаудаид, цӕмӕй уыцы ӕфсымӕртӕм хъуыстаид. Зӕххы цъарыл мын цы хотӕ ӕмӕ ’фсымӕртӕ ис, уыдонимӕ нӕ телеуынынады фӕрцы ноджы ӕввахсдӕр систӕм».

Замбийӕ нӕм ныффыстой ахӕм хабар: «Кӕд бирӕ ӕмбырдты хъусынгӕнджытӕ мӕгуыр сты, уӕддӕр архайынц, цӕмӕй-иу алы мӕй дӕр нӕ телеуынынады программӕмӕ бакӕсой. Зӕгъӕм, ӕмбырд „Мисакойӕ“ ӕввахсдӕр горӕтмӕ хъӕуы 30 километры бӕрц. Уыцы ӕмбырды хъусынгӕнджытӕ кӕм цӕрынц, уым къӕвдаты рӕстӕг бӕстӕ цӕугӕдӕттӕ фесты». Симон, кӕстӕриуӕггӕнӕг ӕфсымӕр, уыцы ӕмбырдмӕ ӕрцыд, хъусынгӕнджытӕ дзы кӕй нӕ фаг кодта, уый тыххӕй. Симон загъта: «Программӕ рафыссыны тыххӕй алы мӕй дӕр не ’мбырдӕй исчи горӕтмӕ ацӕуы. Сӕйраг фӕндагмӕ фистӕгӕй фӕцӕуы дыууӕ сахаты бӕрц, ӕмӕ стӕй уым сбады, горӕтмӕ цы транспорт фӕцӕуы, ууыл. Иу 70-аздзыд нӕлгоймаг йӕ дыууӕ фыртимӕ Йегъовӕйы Ӕвдисӕнты ӕмбырды никуы уыд, фӕлӕ йӕ куы базыдта, сӕ хъӕуы ӕмбырдты видеороликтӕ кӕй февдисынц, уӕд бацымыдис. Уыцы ацӕргӕ нӕлгоймаг загъта: „Ам Хуыцауы тыххӕй базонӕн ис“».

Уӕрӕсейӕ нӕм ӕрбарвыстой ахӕм арфӕйы ныхӕстӕ: «Ныр иу аз кӕсӕм нӕ телеуынынадмӕ ӕмӕ нын уый фадат кӕй ис, ууыл тынг цин кӕнӕм. Фыццаг хатт ӕм куы бакастыстӕм, уӕд ӕй ноджы хуыздӕр бамбӕрстам, нӕ хотӕ ӕмӕ не ’фсымӕртимӕ ӕнӕхъӕн дунейы дӕр иу стыр бинонтӕ кӕй стӕм! Уый диссаг уыд! Разамонӕг советӕй нын нӕ зынаргъ ӕфсымӕрты фенын тынг ӕхсызгон уыд. Уыдон тынг архайынц, цӕмӕй нын хӕринаг афоныл уа, ӕмӕ нӕм афтӕ кӕсы, цыма не ’ппӕтӕн дӕр нӕ хорз ӕмбӕлттӕ сты. Алы программӕмӕ дӕр тынг фенхъӕлмӕ кӕсӕм. Ныр ноджы сӕрыстырдӕр стӕм, кӕй хӕссӕм ном „Йегъовӕйы Ӕвдисӕнтӕ“. Стыр бузныг уын, нӕ зынаргъ ӕфсымӕртӕ! Йегъовӕ ӕмӕ Чырыстийӕ бузныг стӕм, мах тыххӕй цы диссӕгтӕ аразынц, уый тыххӕй. Уый фӕрцы нӕ хъарутыл хъарутӕ бафты!»

Германийӕ иу ацӕргӕ лӕг ӕмӕ усӕн, Хорст ӕмӕ Хельгӕйӕн, се ’нӕниздзинад сӕ хӕрзтӕй нӕу. Уыдон ныффыстой: «Нӕ телеуынынад диссаг у. Программӕмӕ куы фӕкӕсӕм, уӕд нӕ тыхтӕ бацӕуы, уӕлдайдӕр та нӕ рынчын хотӕ ӕмӕ ’фсымӕрты хабӕрттӕм кӕсгӕйӕ. Уӕд мах дӕр бафӕнды, нӕ бон цыдӕриддӕр у, уый аразын, кӕд не ’нӕниздзинад уыйбӕрц нал амоны, уӕддӕр. Паралич кӕй ныццавта, уыцы ӕфсымӕр хистӕр нӕлгоймагӕй кӕй лӕггад кӕны, уый куы федтам, уӕд ӕй бамбӕрстам, алкӕмӕн дӕр йӕ бон кӕй у, хуыздӕрӕй йӕм цы ис, уый Йегъовӕйӕн дӕттын. Ахӕм хотӕ ӕмӕ ’фсымӕрты куы фенӕм, уӕд Йегъовӕйӕн бузныг фӕзӕгъӕм ӕмӕ йын фӕлӕгъстӕ кӕнӕм, цӕмӕй сын арфӕ кӕна».

Английы чи цӕры, иу ахӕм ӕфсымӕр, Коди, зӕгъгӕ, загъта: «Бирӕ рӕстӕг ӕмӕ уын бирӕ тыхтӕ ацӕуы нӕ сайтыл, нӕ телеуынынадыл ӕмӕ Алан ӕмӕ Зӕринӕйы тыххӕй мультфильмтыл, ӕмӕ уын уый тыххӕй стыр бузныг. Бузныг уын, ныр мын Библи ӕмбарын ӕнцондӕр кӕй у, уый тыххӕй. Донаргъуыд райстон, 8 азы мыл куы цыд, уӕд. Куы фестырдӕр уон, уӕд ӕххуыс кӕндзынӕн Паддзахады залтӕ аразынӕн! Фӕнды мӕ Вефилы лӕггад кӕнын дӕр. Ныр мыл цӕуы 9 азы, ӕмӕ мӕ уымӕ бирӕ нал хъӕуы».

Арабеллӕ, 8-аздзыд чызг Английӕ, ныффыста: «Бузныг уын видеороликты ӕмӕ хӕслӕвӕрдты тыххӕй. Уыдон мын ӕххуыс кӕнынц, цӕмӕй Йегъовӕйы тыххӕй фылдӕр базонон. Нӕ сайты сывӕллӕттӕн цы хӕслӕвӕрдтӕ ис, уыдон мын ӕххуыс кӕнынц, цӕмӕй-иу хъазгӕйӕ Йегъовӕйы тыххӕй ногӕй исты базонон. Зарджытӕ хъуыды кӕнын уын хорз уайы, иууылдӕр сӕ ӕнцонтӕй бахъуыды кӕнынц! Алан ӕмӕ мын Зӕринӕйы тыххӕй мультфильмтӕ дӕр ӕххуыс кӕнынц. Бузныг уын, цы стыр куыст кӕнут, уый тыххӕй».