2024 азы цард фӕхуыздӕр уыдзӕн? Библийы цы фыст ис?

Бирӕтӕм афтӕ кӕсы, ӕмӕ 2024 азы цы зындзинӕдтыл сӕмбӕлдзыстӕм, уыдонӕй фервӕзӕн нӕй. Фӕлӕ нӕ уӕддӕр фидӕнӕй ныфс ис. Цавӕр?

Библи нын ныфс дӕтты

Библийы фыст ис, Хуыцау кӕрон кӕй скӕндзӕн, абон нӕ ныфс кӕй тыххӕй асӕтты, уыцы зындзинӕдтӕн. Тагъд нын Хуыцау «ныссӕрфдзӕн [нӕ] цӕссыгтӕ, ӕмӕ нал уыдзӕн нӕдӕр мӕлӕт, нӕдӕр маст, нӕдӕр хъарӕг, нӕдӕр рыст. Раздӕр цы уыд, уый аивгъуыдта» (Раргомад 21:4).

• Библи нын ныфс цы фидӕнӕй ӕвӕры, уый тыххӕй фылдӕр базондзынӕ статьяйӕ «Реальная надежда на лучшее завтра».

Библи дын куыд баххуыс кӕндзӕн?

Библийы фидӕны тыххӕй цы фыст ис, уый дын баххуыс кӕндзӕн, цӕмӕй ӕвзӕр хъуыдытимӕ тох кӕнай ӕмӕ цардыл цин кӕнай (Ромӕгтӕм 15:13). Чи зоны дын ныр тынг зын у. Зӕгъӕм, цӕрыны фаг дӕм ӕхца нӕй, хӕрам хъуыддӕгтыл ӕмбӕлыс кӕнӕ цавӕрдӕр низимӕ тох кӕныс. Ахӕм уавӕры дын баххуыс кӕндзысты, Библийы цы хорз уынаффӕтӕ ис, уыдон.

• Базон, Библи цы ныфс дӕтты, уый иу нӕлгоймагӕн куыд баххуыс кодта, цӕмӕй йӕ зӕрдӕйы фарн ӕрцардаид ӕмӕ амондджын уыдаид, кӕд йӕ бинонтӕ тынг мӕгуыр уыдысты, уӕддӕр. Бакӕс видеороликмӕ «Хуан Пабло Серменьо. Йегъовӕйы фӕрцы ӕцӕг амондджын дӕн».

• Базон, Библи дын куыд баххуыс кӕндзӕн, кӕд цӕйдӕр тыххӕй дӕхи хӕрыс, ӕнкъард кӕныс, истӕуыл мӕт кӕныс кӕнӕ искӕй мӕлӕтыл хъыг кӕныс, уӕд. Бакӕс статья «Могут ли мысли из Библии утешить и успокоить меня?».

• Раздӕр ӕфсады чи службӕ кодта, иу ахӕм сылгоймаг загъта, цардыл цин кӕнын кӕй нӕ зыдта ӕмӕ йӕм иннӕты рыст кӕй нӕ хъардта. Базон, Библийы фӕрцы йын ныфс куыд фӕзынд. Бакӕс видеороликмӕ «Я сменила винтовку на Библию».

Бацархай, цӕмӕй 2024 аз дӕхицӕн дӕр ӕмӕ дӕ бинонтӕн дӕр хорз аз уа. Фылдӕр базон, уыцы хъуыддаджы дын Библи куыд баххуыс кӕндзӕн, уый тыххӕй. Афӕлвар Библи лӕвар ахуыр кӕнын. Базон, Хуыцауы кӕй фӕнды дӕу «фарнӕй схайджын кӕнын», цӕмӕй дын «фидӕн ӕмӕ ныфс» уа (Йереми 29:11).