Мӕ бон цӕй тыххӕй у кувын?

Дзуапп Библийӕ

Дӕ бон у, Хуыцауы цӕсты раст цыдӕриддӕр у, уый тыххӕй кувын. Ӕмӕ, йӕ цӕсты раст цы у, уый та базонӕн ис Библийӕ. «Хуыцауӕй йӕ фӕндонмӕ гӕсгӕ цыфӕнды ма ракурӕм, – хъусы нӕ» (1 Иоанны 5:14). Ӕмӕ цымӕ, дӕу цы тыхсын кӕны, уый тыххӕй дӕ бон у кувын? О. Библийы фыст ис: «[Хуыцауӕн] ӕргом... кӕнут уӕ зӕрдӕтӕ» (Псалом 62:8).

Хуыцаумӕ цӕй тыххӕй ис кувӕн

• Цӕмӕй йыл ӕууӕндай (Лукайы 17:5).

• Цӕмӕй йӕ сыгъдӕг тыхӕй, ома йӕ архайгӕ тыхӕй, хайджын уай, ӕмӕ дӕ бон уа, раст цы у, уый аразын (Лукайы 11:13).

• Цӕмӕй дын хъарутӕ дӕтта, ӕмӕ дӕ бон уа зындзинӕдтӕ сфӕразын ӕмӕ дӕхи рӕдийын макӕмӕн ӕмӕ мацӕмӕн бауадзай (Филиппӕгтӕм 4:13).

• Цӕмӕй дӕ зӕрдӕйы фарн уа (Филиппӕгтӕм 4:6, 7).

• Цӕмӕй дӕ йӕ зондӕй хайджын кӕна, ӕмӕ дӕ бон уа раст уынаффӕтӕ хӕссын (Иаковы 1:5).

• Цӕмӕй, цардӕн ӕнӕмӕнг цы хъӕуы, уый дын уа (Матфейы 6:11).

• Цӕмӕй дын дӕ тӕригъӕдтӕ хатыр кӕна (Матфейы 6:12).