Фиппаинаг

c Ахуыргӕндты хъуыдымӕ гӕсгӕ, уыцы лӕгтӕ Хуыцауӕн дзырд радтой, назорей уыдзынӕн, зӕгъгӕ (Ным. 6:1–21). Ӕвӕццӕгӕн, уыцы дзырд Моисейы закъонмӕ гӕсгӕ радтой. Кӕй зӕгъын ӕй хъӕуы, уыцы Закъон ныр йӕ тыхы нал уыд. Фӕлӕ, чи зоны, Павел ахъуыды кодта, ӕмӕ Йегъовӕйы раз цы дзырд радтой, уый сӕххӕст кӕной, уым ӕвзӕрӕй ницы ис. Уымӕ гӕсгӕ сын сӕ хӕрдзтӕ йӕхимӕ куы райстаид ӕмӕ семӕ куы ацыдаид, уӕд ницы фӕрӕдыдаид. Уыцы лӕгтӕ цавӕр дзырд радтой, уый бӕлвырд нӕ зонӕм. Фӕлӕ куыдфӕнды ма уыдаид, уӕддӕр Павел тӕригъӕдтӕ ссыгъдӕг кӕныны тыххӕй фосы нывӕндтӕ ’рхӕссыныл (назорейтӕ куыд кодтой, афтӕ) ницы хуызы сразы уыдаид. Чырысти йе ’ххӕст цард нывондӕн кӕй ӕрхаста, уымӕ гӕсгӕ ахӕм нывӕндтӕй тӕригъӕдтӕ ссыгъдӕг кӕнӕн нал уыд. Павел куыд бакодта, уый лыстӕг хабӕртты онг нӕ зонӕм, фӕлӕ нӕ бон фидарӕй зӕгъын у, ахӕмӕй кӕй ницы сарӕзтаид, ӕмӕ Хуыцауы раз йе ’фсарм фӕчъизи кодтаид.