Фиппаинаг

c Сауджынтӕ нывӕндтӕ хынджылӕггаг куыд кодтой, уымӕн 1 Самуилы чиныджы ис дыууӕ цӕвиттоны. Иу уый, ӕмӕ Закъоны бӕлвырд фыст уыди, адӕм-иу цы нывӕндтӕ ӕрхастой, уыдонӕй сауджынтӕм кӕцы хӕйттӕ ӕмбӕлди, уый (Дык. з. 18:3). Фӕлӕ уыцы ӕнаккаг сауджынтӕ кувӕндоны бынтон ӕндӕр ӕгъдау сфидар кодтой. Сӕ лӕггадгӕнджыты-иу арвыстой, ӕмӕ-иу уыдон, нывонд кусӕрттаг кӕм фыхти, уыцы аджы фыдисӕн фӕтъыстой ӕмӕ-иу дзы цы дзӕбӕхдӕр хайыл фӕхӕст сты, уый-иу систой ӕмӕ-иу ӕй ахастой! Иннӕ хабар та уый уыди, ӕмӕ-иу адӕм нывондхӕссӕныл басудзынмӕ цы кусӕрттӕгтӕ ӕрбакодтой, уыдонӕн-иу сӕ фиу Йегъовӕйӕн артыл нӕма басыгътой, афтӕмӕй-иу уыцы ӕнаккаг сауджынтӕ сӕ лӕггадгӕнӕджы, нывонд чи хаста, уымӕ барвыстой, ӕмӕ-иу дзы уый ӕрдомдта, ӕри-ма хом дзидза, зӕгъгӕ (Лев. 3:3–5; 1 Сам. 2:13–17).