Фиппаинаг

a Кӕд бирӕ бӕстӕтӕ рагӕй рахызтысты, Григорийы къӕлиндар кӕй хонынц, уымӕ, уӕд Уӕрӕсейы та Октябры революцийы онг дӕр рӕстӕг нымадтой, Юлийы къӕлиндар кӕй хонынц, уымӕ гӕсгӕ. 1917 азы Юлийы къӕлиндар ӕмӕ Григорийы къӕлиндары ’хсӕн уыд 13 боны. 1918 азы февралы Советон хицауад дӕр рахызт Григорийы къӕлиндармӕ ӕмӕ иннӕ бӕстӕтӕ баййӕфта. Фӕлӕ православон аргъуан йӕ бӕрӕгбӕттӕ уӕддӕр нымадта Юлийы къӕлиндармӕ гӕсгӕ ӕмӕ уыцы нымад схуыдта «зӕронд нымад». Уымӕ гӕсгӕ, чырыстон Цыппурс Уӕрӕсейы бӕрӕг кӕнынц 7 январы. Фӕлӕ ног нымадмӕ гӕсгӕ уый у 25 декабрь. Афтӕмӕй Уӕрӕсейы иуӕй-иутӕн сӕ бӕрӕгбӕттӕ райдайынц 25 декабры (католикон Цыппурс), адарддӕр сӕ кӕнынц 1 январы (Ног аз), уый фӕстӕ бӕрӕг кӕнынц 7 январь (православон Цыппурс) ӕмӕ, ӕппынфӕстаг, 14 январь (Зӕронд Ног аз).