Библи Хуыцауы ӕцӕг лӕггадгӕнджыты разӕнгард кӕны: «Уӕдӕ, уарзон хъӕбултау, фӕзмут Хуыцауы» (Ефесӕгтӕм 5:1). Ацы ныхӕстӕй бӕрӕг у, Хуыцау йӕ лӕггадгӕнджытыл кӕй ӕууӕнды. Цӕмӕн ис афтӕ зӕгъӕн? Йегъовӕ Хуыцау адӕймаджы сфӕлдыста йӕхимӕ гӕсгӕ, йӕхи хуызӕн (Райдиан 1:26, 27). Уый ууыл дзурӕг у ӕмӕ Хуыцаумӕ йӕхимӕ цы миниуджытӕ ис, уыдонӕй адӕймаджы дӕр схайджын кодтаa. Библи нӕ куы фӕразӕнгард кӕны, «фӕзмут Хуыцауы», зӕгъгӕ, уӕд нын, цыма, Йегъовӕ йӕхӕдӕг фӕдзуры: «Уӕ бон бауыдзӕн! Ӕз ӕй зонын, кӕд ӕнӕххӕст стут, уӕддӕр уӕ бон кӕй у мӕн бафӕзмын».