• «Диссаджы сылгоймаг»
    Сӕ уырнындзинад сын фӕзмут

    • 7, 8. а) Ноемины ныхӕстӕм гӕсгӕ сын Воозы уылты хорздзинад чи сарӕзта ӕмӕ афтӕ цӕмӕн хъуыды кодта? ӕ) Руф йе ’фсины ӕнувыд уарзтӕй кӕй уарзта, уый та ногӕй куыд равдыста?

      7 Дыууӕ сылгоймагӕн ныхас бацайдагъ, ӕмӕ Руф Ноеминӕн радзырдта, Вооз куыд хӕларзӕрдӕ адӕймаг у, уый тыххӕй. Ноеминӕн уый тынг ӕхсызгон уыд ӕмӕ загъта: «Йегъовӕ йын раарфӕ кӕнӕд, удӕгӕсты дӕр ӕмӕ мӕрдты дӕр йе ’нувыд уарзтӕй ӕнӕхай кӕй нӕ фӕкодта, уый тыххӕй» (Руф 2:20). Дзуттаг тексты ацы ныхӕстӕ, «удӕгӕсты дӕр ӕмӕ мӕрдты дӕр йе ’нувыд уарзтӕй ӕнӕхай нӕ фӕкодта», зӕгъгӕ, амонынц Йегъовӕмӕ. Ацы ныхӕстӕ ууыл дзурӕг сты, ӕмӕ Ноемин ӕмбӕрста, Воозы уылты сын уыцы хорздзинад Йегъовӕ кӕй сарӕзта. Йегъовӕ йӕ лӕггадгӕнджыты разӕнгард кӕны, цӕмӕй рӕдау уой ӕмӕ сын зӕрдӕ ӕвӕры, хӕларзӕрдӕ куы уой ӕмӕ иннӕтӕн куы ӕххуыс кӕной, уӕд сын уый тыххӕй кӕй арфӕ кӕндзӕнa. (Бакӕс Ӕмбисӕндтӕ 19:17.)

  • «Диссаджы сылгоймаг»
    Сӕ уырнындзинад сын фӕзмут

    • a Ноемин куыд загъта, афтӕмӕй Йегъовӕ хӕларзӕрдӕ ӕрмӕст удӕгӕстӕм нӕу, фӕлӕ, чи амард, суанг уыдонмӕ дӕр. Ноеминӕн амардысты йӕ сӕрыхицау ӕмӕ йӕ дыууӕ фырты дӕр. Руфӕн дзы сӕ иу уыд йӕ цардӕмбал. Кӕй зӕгъын ӕй хъӕуы, уыцы ӕртӕ адӕймаджы Ноеминӕн дӕр ӕмӕ Руфӕн дӕр зынаргъ уыдысты. Уыцы нӕлгоймӕгты куыннӕ фӕндыдаид, цӕмӕй сын сӕ мӕлӕты фӕстӕ сӕ бинонтыл исчи батыхстаид. Уӕдӕ зӕгъӕн ис, ӕмӕ, Ноемин ӕмӕ Руфӕн хорздзинад чи сарӕзта, уый хорздзинад сарӕзта уыцы нӕлгоймӕгтӕн.

      b Идӕдз сылгоймаджы ракурыны бар, ӕвӕццӕгӕн, фыццаджыдӕр уыд тиутӕн, ӕмӕ уый фӕстӕ та ӕввахсдӕр хӕстӕджытӕй искӕмӕн. Ӕмӕ-иу бинонты бынтӕ дӕр лӕвӕрд ӕрцыдысты, чи-иу ӕй ракуырдта, уымӕн (Ным. 27:5–11).

  • «Диссаджы сылгоймаг»
    Сӕ уырнындзинад сын фӕзмут

    • 11, 12. а) Ноемин Воозӕй афтӕ куы загъта, «уымӕн ис уый бар, цӕмӕй нӕ балхӕна», зӕгъгӕ, уӕд ӕй уымӕй цы зӕгъын фӕндыд? ӕ) Руф йе ’фсины уынаффӕмӕ цы цӕстӕй ракаст?

      11 Руф фыццаг хатт Воозы кой куы скодта, уӕд ын Ноемин загъта: «Уыцы адӕймаг нӕ хӕстӕг у. Ӕмӕ уымӕн ис уый бар, цӕмӕй нӕ балхӕна» (Руф 2:20). Йӕ ныхӕстӕ цӕуыл дзурӕг уыдысты? Хуыцау израилӕгтӕн цы Закъон радта, уый хъахъхъӕдта, мӕгуыр чи уыд кӕнӕ-иу сӕ дарӕг кӕмӕн амард, ахӕм бинонты. Сылгоймагӕн-иу сывӕллон куы нӕма уыд, афтӕмӕй-иу идӕдзӕй куы баззад, уӕд ын уый уӕлдай масты хос уыд. Цӕмӕн? Уымӕн ӕмӕ-иу йӕ сӕрыхицауӕн йӕ фӕстӕ нӕ баззад, йӕ ном ын адӕмы ’хсӕнӕй фесафын чи нӕ бауагътаид, ахӕм бындар. Фӕлӕ Хуыцауы закъонмӕ гӕсгӕ тиуӕн уыди йӕ идӕдз чындзы ракурыны бар, цӕмӕй йын бындар райгуырдаид ӕмӕ йӕ мард лӕджы ном хастаид, стӕй йӕ бынтӕн дӕр хицау уыдаидb (Дык. з. 25:5–7).